kankavli : नर्सिंग महाविद्यालयात शिकणाऱ्या तरुणीचा मृत्यू, संतप्त जमावाकडून रुग्‍णालयाची तोडफोड, डॉक्‍टरांना धक्काबुक्की; नक्की काय घडलं?

कणकवली : तालुक्‍यातील कासार्डे-तर्फेवाडी येथील तरुणीच्या मृत्यूनंतर संतप्त झालेल्या जमावाने खासगी रुग्णालयाची (Kankavli News) तोडफोड केली. डॉक्टरांच्या हलगर्जीपणामुळे तरुणीचा मृत्यू झाल्याचा आरोप मृत तरुणीच्या कुटुंबीयांनी केला. यावेळी जमावाकडून डॉक्‍टर आणि रुग्णालयीन कर्मचाऱ्यांनाही धक्काबुक्की करण्यात आली. घटनेची माहिती समजताच मोठा पोलिस फौजफाटा रुग्णालयात तैनात केला होता. तरीही जमाव ऐकत नसल्याने दंगल नियंत्रक पथकाच्या तुकडीलही पाचारण केले.