'तुला कुडाळला यावेच लागेल..'; मित्राला मेसेज पाठवून कॉन्स्टेबलने पंख्याला दोरीने गळफास घेऊन संपवले जीवन

कुडाळ : येथील पोलिस ठाण्याकडील कॉन्स्टेबल (Police Station Constable) सूरज अनंत पवार (वय ३१, रा. मळगाव-कुंभार्लीवाडी, ता. सावंतवाडी) यांनी सोमवारी आत्महत्या केली. ते रहात असलेल्या केळबाईवाडी येथील रामेश्वर प्रसाद कॉम्प्लेक्समधील (Rameshwar Prasad Complex) फ्लॅटमध्ये पंख्याला गळफास घेतलेल्या अस्वस्थेत त्यांचा मृतदेह पोलिसांना आढळून आला.