लांजा ( रत्नागिरी ) - लांजा तहसील कार्यालयातील महसूल विभागाने सातबारा संगणकीकरण करण्यात रत्नागिरी जिल्ह्यात प्रथम क्रमांक पटकाविला आहे. एकूण 1 लाख 19 हजार 122 सातबारा उताऱ्यांचे संगणकीकरण पूर्ण झाले आहे.
शासनाने सातबारा उतारे संगणकीकरण करण्याचे आदेश दिल्यानंतर लांजा तहसील कार्यालयामार्फत ही संगणकीकरण मोहीम हाती घेतली होती. लांजा तालुक्‍यातील 124 गावातील एकूण सातबारा उताऱ्यांची संख्या होती 1 लाख 19 हजार 122 आणि ते काम करण्यासाठी तलाठी अवघे 18, मंडळ अधिकारी 5; मात्र यामध्ये अनेक अडचणी होत्या. त्यामध्ये प्रमुख अडचण आली ती नेटची; मात्र तरीही त्यावर मात करण्यासाठी तहसीलदार वनिता पाटील, नायब तहसीलदार, मंडळ अधिकारी व तलाठी यांनी नियमित कामाच्या वेळेपेक्षा अधिक वेळेत काम करत संपूर्ण रत्नागिरी जिल्ह्यात सातबारा संगणकीकरण करण्यात पहिला क्रमांक पटकाविला आहे.
यासाठी तत्कालीन जिल्हाधिकारी सुनील चव्हाण, जिल्हाधिकारी मिश्रा, अप्पर जिल्हाधिकारी बेलदार, राज्य समन्वयक रामदास जगताप, निवासी उपजिल्हाधिकारी गायकवाड, उपविभागीय अधिकारी प्रवीण खाडे, तांत्रिक सहाय्यक दिनेश सोहनी यांचे मार्गदर्शन लाभले.
लांजा तालुक्‍यातील सातबारा संगणीकृत करण्यासाठी तहसील कार्यालयातील अधिकारी, कर्मचारी आदींचे मोलाचे सहकार्य लाभले. रात्री बारा वाजेपर्यंतसुद्धा काम केले. त्यामुळे हे यश मिळाले.
- वनिता पाटील
तहसीलदार, लांजा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.