देवगड तालुक्यातील मनचे धबधबा प्रवाहित (व्हिडिओ)

देवगड - गेल्या दोन दिवसापासून सिंधुदुर्ग जिल्ह्यात जोराचा पाऊस कोसळतो आहे. यामुळे जिल्ह्यातील सर्व धबधबे प्रवाहित झाले आहेत. देवगड तालुक्यातील मनचे हा धबधबा मोठ्या प्रमाणात प्रवाहित झालेला पाहायला मिळत आहे.

कोकणावर खरोखरच निसर्गाचा वरदहस्त पाहायला मिळत आहे. दोन दिवसापासून पडणाऱ्या मुसळधार पावसामुळे कोकणातील साैंदर्य खुलून आले आहे. मुंबई - गोवा महामार्गापासून अवघ्या 15 ते 20 किलोमीटर अंतरावर असणारा मनचे धबधबा पाहण्यासाठी पर्यटकांची गर्दी होत आहे. साधारणपणे धबधब्याची उंची शंभर फुट असून पांढऱ्या शुभ्ररंगात कोसळणारा हा धबधबा पर्यटकांसाठी आकर्षक ठरतो आहे.