माजगावात खळबळ: आठ दिवसात निगेटिव्हचा रिपोर्ट झाला पॉझिटिव्ह

सावंतवाडी (सिंधुदुर्ग) : आठ दिवसांपूर्वी रॅपिड टेस्टमध्ये आलेला निगेटिव्ह रिपोर्ट आठ दिवसानंतर पॉझिटिव्ह असल्याची माहिती आरोग्य कर्मचाऱ्यांनी संबंधित व्यक्तीला दिल्याने माजगावमध्ये (Mazgaon)एकच खळबळ उडाली. याबाबत भाजपच्या पदाधिकाऱ्यांनी आरोग्य अधिकारी वर्षा शिरोडकर (Health Officer Varsha Shirodkar) यांना जाब विचारला असता पोर्टलमध्ये चुकीची माहिती भरल्याने हा प्रकार घडल्याचे सांगितले.

Mazgaon incidence cases Negative report positive kolhapur marathi news

माजगाव येथील एका व्यक्तीने आठ दिवसांपूर्वी रॅपिड टेस्ट केली होती. त्यावेळी त्याला तत्काळ निगेटिव्ह असल्याचा रिपोर्ट दिला होता. दरम्यान, आज संबंधित व्यक्तीचा रिपोर्ट पॉझिटिव्ह असल्याबाबत माहिती माजगाव उपकेंद्राला मिळाली. संबंधित व्यक्तीला याबाबत कळविल्यानंतर ती व्यक्ती तसेच घरची मंडळी घाबरले. संबंधिताने याबाबत भाजप पदाधिकारी अजय सावंत यांच्या कानावर ही बाब घातली. त्यांनी बांदा मंडल अध्यक्ष महेश धुरी यांच्या समवेत तालुका आरोग्य अधिकारी डॉ. शिरोडकर यांना जाब विचारला. यावेळी ग्रामपंचायत सदस्य बाळा वेजरे,मंगेश राठवड, अमित परब आदी उपस्थित होते.

हेही वाचा- वस्त्रोद्योग आयुक्तालयाचा नवा फतवा; यंत्रमागधारक हैराण

संबंधित व्यक्ती ही निगेटीव्ह आहे, घाबरण्याचे कारण नाही, निगेटिव्ह पॉझिटिव्हबाबत पोर्टलमध्ये माहिती भरताना हा घोळ झाला.

- वर्षा शिरोडकर, आरोग्य अधिकारी