नारायण राणेंच्या विजयात मनसेचा महत्त्वाचा वाटा

swt51.jpg
88070
धीरज परब

नारायण राणेंच्या विजयात
मनसेचा महत्त्वाचा वाटा
धीरज परबः परिश्रमांचे सार्थक
सकाळ वृत्तसेवा
कुडाळ, ता. ५ः गेली दहा वर्षे खासदार असलेले विनायक राऊत यांनी जिल्ह्यात कोणतेच काम केले नव्हते. त्यामुळे मतदारांमध्ये याची नाराजी होती. केवळ भावनिक साद घालून अन्याय झाल्याचे सांगत उबाठा गटाने मते मागितली; परंतु कोकणवासीयांनी याला कोणतीच भीक न घालता जिल्ह्यातील विकासाचा मुद्दा घेऊन निवडणकीत उतरलेल्या नारायण राणे यांना संधी दिली. महाराष्ट्र नवनिर्माण सेनेचा बिनशर्त पाठिंबा आणि मनसेच्या कार्यकर्त्यांनी महायुती कार्यकर्त्यांसोबत खांद्याला खांदा लावून काम करत राज ठाकरे यांच्या आदेशाचे केलेले पालन तसेच सिंधुदुर्ग जिल्ह्यात राज ठाकरेंची विजयाचा ‘बुस्टर’ ठरलेली सभा यामुळे राणे विजयी झाले. त्यांच्या विजयाच्या निर्णायक मतांमधे मनसेचा मोलाचा वाटा आहे, असे पत्रकात मनसे जिल्हाध्यक्ष धीरज परब यांनी म्हटले आहे. परब यांनी म्हटले आहे की, सिंधुदुर्ग जिल्ह्यात कोकण नेते शिरीष सावंत, अविनाश जाधव, निरीक्षक संदीप दळवी, गजानन राणे यांनी प्रचारासंबंधी मेहनत घेतली व मनसे कार्यकर्त्यांना मार्गदर्शन केले.