ब्रेकिंग - रत्नागिरीत आणखी चार जणांना कोरोनाची लागण 

रत्नागिरी - जिल्ह्यात एक दोन नव्हे तर आणखी चार कोरोना पॉझिटिव्ह रुग्ण आढळून आले आहेत. यामध्ये रत्नागिरी 1, दापोली 1, खेड 1 आणि चिपळूणमध्ये 1 यांचा समावेश आहे. त्यामध्ये एका नर्सिंग कॉलेजच्या विद्यार्थिनीचा समावेश असून इतर तीन मुंबईकर चाकरमानी आहेत. 

रत्नागिरी जिल्ह्यात आणखी चार कोरोना पॉझिटिव्ह रुग्ण सापडल्यामुळे शहरात पुढील काही दिवस बंधने लागू करण्यात येणार आहे. तर इतर तीन जण हे मुंबईकर चाकरमानी आहेत. मागील काही दिवसांपासून जिल्ह्यातील कोरोना रुग्णांचा आकडा झपाट्याने वाढत आहे. वाढणारे बहुतांश रुग्ण मुंबईकर चाकरमानी आहेत. परंतु नर्सिंग कॉलेज विद्यार्थिनीला कोरोनाची लागण झाल्याने एकच खळबळ उडाली आहे. दापोलीतील एका पॉझिटिव्ह रुग्णाच्या नातेवाइकाला कोरोनाची लागण झाली आहे. नागरिकांनी घरीच थांबावे. विनाकारण बाहेर पडू नये असे आवाहन जिल्हाधिकारी लक्ष्मी नारायण मिश्रा यांनी केले आहे.

जिल्ह्यात मुंबईहून येणार्‍यांमुळेच कोरोनाचा संसर्ग वाढत असल्याचे एकुणच चित्र आहे. त्यात चार तारखेपासून जिल्ह्यात ऑरेंज झोन म्हणून अनेक सवलती देण्यात आल्या आहेत. त्यामुळे रत्नागिरी शहरासह जिल्ह्यात सुमारे 60 ते 70 टक्के परिस्थिती पुर्वपदावर आल्याप्रमाणे नागरिक बाहेर पडत आहेत. रुग्णांची संख्या कालपर्यंत 17 होती आता ती 21 पर्यंत गेली आहे. त्यामुळे जिल्हा प्रशासनाचा सवलती देण्याचा निर्णय चुकीचा आहे की बरोबर हे परिस्थितीच सांगत आहे. त्यावर आता फेर विचार करण्याची गरज असल्याचे बोलले जात आहे. 

हे पण वाचा - धक्कादायक ; गुरे राखण्यासाठी गेलेल्या महिलेवर अस्वलाचा प्राणघातक हल्ला                                          

हे पण वाचा -  कोल्हापुरात डबलसीट दंडाच्या 'त्या' व्हायरल पोस्टच सत्य नेमकं काय ?