मरणातही आई मुलांची झाली भागिदारीन ; मायलेकरांवर एकाच वेळी काळाने घातला घाला

mother daughter and son dead in dam one time after two days found dead bodies in ratnagiri chiplun
mother daughter and son dead in dam one time after two days found dead bodies in ratnagiri chiplun

चिपळुण (रत्नागिरी) : चिपळुण तालुक्यातील असुर्डे येथील धरणात तिघांचा बुडून मृत्यू झाला. ही घटना काल मंगळवारी सकाळी 10 च्या सुमारास घडली. असुर्डे येथील एकाच कुटुंबातील बहिण, भाऊ, आणि आई अशा तिघांचा समावेश आहे. एकाच कुटुंबातील तिघेजण मृत्यूमुखी पडल्याने असुर्डे पंचक्रोशीत सन्नाटा पसरला आहे.

याबाबत घटनास्थळांवरून मिळालेल्या माहितीनुसार, मंगळवारी रात्री तीनच्या सुमारास असुर्डे धरणात हे तिन मृतदेह आढळून आले आहेत. मयुरी बाबाराम चौगुले (वय 35), हर्ष बाबाराम चौगुले (वय 11), शारदा बाबाराम चौगुले (वय 13) अशी त्यांची नावे आहेत. असुर्डे येथील चौगुले कुटुंबीय मंगळवारी सकाळी लाकूडफाटा गोळा करण्यासाठी असुर्डे धरणाजवळ गेले होते. त्यावेळी यातील मुलाचा तोल धरणात गेल्याने तो पाण्यात बुडू लागला. त्याला काढण्यासाठी बहिण देखील पाण्यात गेली. मुलगी बुडत असल्याचे आई मयुरी चौगुले यांनी पाहीले. तशाच स्थितीत त्यांनी पाण्यात उडी घेत लेकरांना वाचविण्याचा प्रयत्न केला. मात्र त्यास यश आले नाही. 

धरणात तिघांचाही बुडुन मृत्यू झाला. धरणाशेजारी गोळा केलेला लाकूडफाटाही पडला होता. तर त्यांच्या एका पायात चप्पल होते. तर चप्पल पाण्याबाहेरच पडलेले होते. मयुरी चौगुले यांचे पती पंचायत समिती शिक्षण विभागात कार्यरत आहेत. तर त्यांच्या आणखी दोन मुली व सावर्डे येथील सह्याद्री शिक्षण संस्थेत शिक्षण घेतात. मंगळवारी या दोन्ही मुली कॉलेजला गेल्या होत्या. तर घरी आजोबा-आजी होत्या.

सकाळी लाकूडफाटा गोळा करण्यासाठी गेलेले तिघेजण परतलेच नाहीत. म्हणून कुटुबीयांनी शोध मोहिम सुरू केली होती. वाडी, गावासह, असुर्डे, कुंभारखाणी आदी ठिकाणच्या नातेवाईकांकडे त्यांचा शोध घेण्यात आला. मात्र ते सापडले नाही. धरण परिसरात हे तिघेजण लाकडूफाटा गोळा करताना गुरे चरण्यास गेलेल्या लोकांनी त्यांना पाहीले होते. त्यानुसार असुर्डे धरणात रात्री त्यांचा शोध घेतला तिघांचे मृतदेह आढळून आले.

संपादन - स्नेहल कदम 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com