फोंडाघाटमध्ये पूर्ववैमनस्यातून मोटरसायकल जाळल्याचा प्रकार 

Motorcycle Burnt In Phonda Ghat Sindhudurg Marathi News
Motorcycle Burnt In Phonda Ghat Sindhudurg Marathi News

कणकवली ( सिंधुदुर्ग ) - तालुक्‍यातील फोंडाघाट बावीचेभाटले येथे पूर्ववैमनस्यातून मोटरसायकल जाळल्याचा प्रकार घडला. या प्रकरणी पोलिसांनी तिघांविरोधात गुन्हा नोंद केला आहे. हा प्रकार काल मध्यरात्री घडली. 

याबाबत जॅकलीन फर्नांडिस (वय 24 रा. फोंडाघाट बावीचे भाटले) त्यांनी फिर्याद दिली आहे. यानुसार जयेश परब व अन्य दोघांवर गुन्हा नोंदविण्यात आला आहे. फिर्यादी फर्नांडिस यांनी मोटरसायकल (एम एच 07 एए 8210) विनोद प्रभू यांच्या अंगणामध्ये ठेवलेली होती. काल मध्यरात्री फर्नांडिस बाथरुममध्ये आल्यानंतर घरासमोरील विनोद प्रभू यांच्या अंगणातील मोटरसायकल जळत असल्याचे दिसले.

यावेळी आपल्या परिचयाचे जयेश विजय परब व अन्य दोन साथीदार तेथे होते. आपल्याला पाहून ते पळून गेले, असे त्यांनी फिर्यादीत म्हटले आहे. मोटरसायकलवर पेट्रोल ओतून गाडी जाळण्याचा प्रयत्न झाला आहे. एका प्रकरणात आपण जयेश याला जाब विचारला होता. त्या रागातून त्यांनी हा प्रकार केला असून यामुळे 45 हजाराचे नुकसान झाल्याचे फिर्यादीत नमूद आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com