खासदार सुनील तटकरे यांनी स्वतःचे कुटुंब सोडून दुसरा कुणाचाच विकास केलेला नाही

पाली - खासदार सुनील तटकरे (MP Sunil Tatkare) यांच्या सोबत मी काही वर्षे काम केले आहे. त्यामुळे मला त्यांच्या बद्दल माहिती आहे. तटकरे यांनी स्वतःचे कुटुंब (Family) सोडून दुसरा कुणाचाच विकास (Develop) केलेला नाही. त्यामुळे त्यांच्या शब्दावर कोणी विश्वास ठेवायला मागत नाही आहे. अशी स्पष्टोक्ती शुक्रवारी (ता.17) शिवसेना आमदार महेंद्र दळवी (Mahendra Dalvi) यांनी पाली पंचायत समिती निवडणूक प्रचार सभेत केली.

ते म्हणाले की, सुनील तटकरे यांनी अनेक पक्षांचे कार्यकर्ते घेण्याचा प्रयत्न केला. काही गेलेही, मात्र 2-4 दिवसांत परत स्वगृही आले. कारण तटकरे यांच्यावर आता कोणी विश्वास ठेवायला मागत नाही आहे. एकेकाळी सुनील तटकरे यांचे कार्ड चालायचे पण आता ते बंद झाले आहे. राष्ट्रवादी काँग्रेस पक्ष आणि शेकाप यांना एकत्र यावे लागले हीच त्यांची हार आहे. असे मी समजतो. स्थानिक स्वराज्य संस्थांच्या निवडणुकीत आघाडी व्हावी यासाठी राष्ट्रवादी सोबत मंत्री व नेत्यांची प्रदीर्घ चर्चा झाली मात्र त्यातून काही निघाले नाही. यात राष्ट्रवादी काँग्रेस पक्षाचा स्वार्थच दिसत होता. त्यामुळे रायगड जिल्ह्यातील जनतेच्या विकासासाठी स्थानिक स्वराज्य संस्थांच्या निवडणुकीत शिवसेनेने एकला चलो ची भूमिका घेतली. असे आमदार महेंद्र दळवी यांनी सांगितले.