मुंबई - गोवा महामार्गावरील पोलादपूर येथे शिवशाही बस आणि कारचा अपघात | Sakal
sakal

बोलून बातमी शोधा

मुंबई - गोवा महामार्गावरील पोलादपूर येथे शिवशाही बस आणि कारचा अपघात

मुंबई - गोवा महामार्गावरील पोलादपूर येथे शिवशाही बस आणि कारचा अपघात

खेड : मुंबई - गोवा महामार्गावरील पोलादपूर येथे शिवशाही बस आणि कारचा अपघात झाला. ही घटना आज सकाळी ९ वाजण्याच्या सुमारास घडली. महामार्गावरील पोलादपूर ग्रामीण रुग्णालयापासून काही अंतरावर हा अपघात झाला. मुंबई - गोवा महामार्गाचे ठिकठिकाणी काम सुरू आहे. त्यामुळे महामार्गावर ती अनेक ठिकाणी डायव्हर्शन देण्यात आलेले आहेत. पोलादपूर नजीक सर्व्हिस रोड आणि महामार्गावरील दोन मार्गिका या दरम्यान जिथे सर्वच वाहनचालकांचा गोंधळ उडतो त्याच ठिकाणी हा अपघात झाला. 

खेड हून मुंबई च्या दिशेने जाणाऱ्या शिवशाही बस ला अंबरनाथ हून संगमेश्वर तालुक्यातील साखरप्याच्या लगत असलेल्या भोवडे या गावी येणाऱ्या मोटार कार ने धडक दिली. ही धडक इतकी जोरात होती, की या धडकेत शिवशाही बस च्या चालकांच्या साईड चा टायर जागीच फुटला. या

अपघातात कार मधील जयवंत सावंत (वय - ६०, रा. अंबरनाथ), किरण घागे (वय - २८, रा.घाटकोपर ) हे दोघे मयत झाले आहेत. तर गिरीश सावंत ( वय - ३४), जयश्री सावंत ( वय - ५६ ) दोघेही राहणार अंबरनाथ, अमित भितळे ( वय - ३०, रा. बदलापूर ) हे तिघेही गंभीर जखमी झाले आहेत. जखमींना कामोठे येथील महात्मा गांधी मेमोरियल रुग्णालयात उपचारार्थ दाखल करण्यात आले आहे.

Web Title: Mumbai Goa Highway Shivshahi Bus And Car Accident

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..