बांदा : इन्सुली-सावंतटेंब येथील रामचंद्र ऊर्फ बंड्या गजानन राणे (वय ४४) या तरुणाचा ओहोळातील पाण्यात बुडून मृत्यू झाला. याबाबतची फिर्याद त्याचे काका प्रदीप आत्माराम राणे यांनी बांदा पोलिसांत दिली. .प्राथमिक माहितीनुसार तो पाय घसरून ओहोळात पाण्यात पडला असावा, असा अंदाज पोलिसांनी व्यक्त केला. स्थानिकांच्या मदतीने मृतदेह बाहेर काढून विच्छेदनासाठी बांदा प्राथमिक आरोग्य केंद्रात आणण्यात आला. बांदा पोलिसांत आकस्मिक मृत्यूची नोंद केली आहे. याबाबत बांदा पोलिसांनी दिलेली माहिती अशी, रामचंद्र राणे हा सोमवारी सायंकाळी घरातून बाहेर निघून गेला होता. आज सकाळी दहाच्या सुमारास सावंतटेब येथील ओहोळात त्याचा मृतदेह तेथील स्थानिकांना दिसला..याबाबतची माहिती त्याचे काका प्रदीप राणे यांना त्यांनी दिली. राणे यांनी इन्सुली पोलिसपाटील प्रिया कोठावळे यांना माहिती दिली. त्यांनी घटनास्थळी दाखल होत पाहणी करून बांदा पोलिसांना माहिती दिली. प्रदीप राणे यांनी यांनी बांदा पोलिसांत फिर्याद दिली. सहायक पोलिस उपनिरीक्षक प्रशांत पवार, कॉन्स्टेबल मयुराज कमनतुरे यांनी घटनास्थळी येत पंचनामा केला. वैद्यकीय अधिकाऱ्यांनी शवविच्छेदन करून मृतदेह नातेवाइकांच्या ताब्यात दिला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
