Raigad News : पाली खोपोली राज्य महामार्गावर कारची रिक्षाला ठोकर अपघातात रिक्षा चालकाचा जागीच मृत्यू

पाली : पाली-खोपोली राज्य महामार्ग मृत्यूचा सापळा बनत चालला आहे. शुक्रवारी (ता.3) दुपारी या मार्गावर खुराले फाटा येथे लेक व्ह्यू हॉटेल जवळ एका कारने रिक्षाला ठोकर दिली. या अपघातात रिक्षा चालक रोहित ताडकर राहणार रोहा याचा जागीच मृत्यू झाला आहे. तर इतर जण गंभीर जखमी आहेत.

वाकण-पाली-खोपोली राज्य महामार्गाचे नुकतेच रुंदीकरण पूर्ण झालेले आहे. त्यामुळे भरधाव वेगाने वाहने जात असतात. या मार्गावर खुरावलेले फाटा या गावच्या हद्दीत दुपारच्या सुमारास पालीकडून खोपोली कडे जाणाऱ्या एका कारने खोपोली बाजूकडून पालीकडे येणाऱ्या व रोहा या ठिकाणी जाणाऱ्या रिक्षाला धडक दिली व अपघात झाला.