दापोली : तालुक्यातील आंजर्ले येथील केतकी बीच समोरील समुद्रात आज सायंकाळी विश्रांती वाडी-पुणे येथील एका पर्यटक तरुणीचा बुडून मुत्यू झाला. उन्हाळी सुटी चालू झाल्याने पर्यटकांचा ओघ दापोलीच्या किनारपट्टीला वाढत चालला आहे. पोलिसांनी दिलेल्या माहितीनुसार, पुणे येथून शनिवारी पहाटे ४ वाजण्याच्या सुमारास एक १२ जणांचा ग्रुप दापोली येथील आंजर्ले येथे पर्यटनासाठी निघाला. ते आंजर्ले येथील केतकी बीच रिसॉर्ट येथे सकाळी ११ वाजण्याच्या सुमारास पोहोचले.