-दापोलीत सीएनजीसाठी वाहनांच्या रांगा

४३ (पान ५ साठी)

दापोलीत सीएनजीसाठी वाहनांच्या रांगा

पर्यटकांमध्ये नाराजी ; पंपांची संख्या कमी असल्याने गैरसोय

दाभोळ, ता. १६ः शहरालगत दापोली शहरातील दाभोळ मार्गावरील एक व खेर्डी येथील एक अशा दोन पंपावरच सीएनजी पुरवठा सुरू आहे. सीएनजीवर चालणाऱ्या वाहनांची संख्या जास्त व सीएनजीसाठी पंप कमी अशी परिस्थिती असल्याने वाहन चालकांना रांगा लावाव्या लागत आहे.
दापोली तालुक्यात मोठ्या संख्येने पर्यटक येत असेल्याने तेही सीएनजीवर चालणारी वाहने घेवून येत असल्याने या पंपावर सीएनजी भरण्यासाठी मोठी गर्दी होते. मुख्य कंपनीकडून या पंपांना सीएनजीचा पुरवठा कमी होत असल्याने मोठी समस्या निर्माण होत आहे. दापोलीला दिवसाला ५० हजार के.जी. सीएनजीची मागणी आहे. परंतु सीएनजीचाच साठा ३८ हजार के.जी. उपलब्ध आहे. त्यामुळे १२ हजार के.जी. सीएनजीची कमतरता आहे. दुपारनंतर सीएनजीची कमतरता जाणवत असल्याचे समोर येत आहे. तालुक्यात दररोज सीएनजीच्या तीन गाड्या येतात. सकाळी एक गाडी खेर्डी येथे तर दोन गाड्या जालगाव मार्गावरील पंपात येतात. यामुळे या गाड्या येईपर्यंत वाहनचालकांना प्रतीक्षा करावी लागते.