राजापूर : नव्याने मोहोर तरी शेतकरी चिंतातूर | Sakal
sakal

बोलून बातमी शोधा

नव्याने मोहोर तरी शेतकरी चिंतातूर

राजापूर : नव्याने मोहोर तरी शेतकरी चिंतातूर

राजापूर: अतिवृष्टी, अवकाळी पाऊस आणि त्यानंतर हवामानामध्ये सातत्याने प्रतिकूल झालेले बदल यामुळे अनेक आंबा बागांमध्ये फळधारणा झालेली नाही. काही झाडांवरील मोहोर काळा पडला तर, दोन दिवसांपूर्वी झालेल्या अवकाळी पावसामध्ये अनेक बागांमध्ये कैरी गळून नुकसान झाले. त्यामुळे आंबा बागायतदार आणि शेतकरी चिंताग्रस्त असताना नव्याने आंब्याला मोहोर येऊ लागल्याने त्यांच्या चेहऱ्‍यावर प्रश्नचिन्ह दिसत आहे.

सध्या मोहोरलेल्या झाडांना हंगामाच्या अंतिम टप्प्यामध्ये म्हणजे मे महिन्यामध्ये आंबा तयार होणार आहे. त्या आंब्या पेट्या मार्केटमध्ये पाठवून समाधानकारक भाव मिळणे मुश्कील असले तरी, कॅनिंगसाठी पाठवणे शक्य होणार आहे. त्यामुळे खते, औषध फवारणी आदींसाठी केलेला किमान खर्च त्यातून भागण्याची शक्यता आहे.

यावर्षी मोहोर येण्याच्या कालावधीमध्ये असलेल्या प्रतिकूल हवामानाने आंबा हंगामाला चांगलाच तडाखा बसला. त्यातून, आंबा झाडांना अपेक्षित असलेला मोहोर आलेला नाही. थंडीचे कमी प्रमाण, ढगाळ वातावरण अशा स्थितीतही काही झाडांना मोहोर आला. मात्र, प्रतिकूल परिणाम होऊन तोही काळा पडून गळून गेला आहे. याच्यातून यावर्षी आंब्याचा हंगाम गतवर्षीच्या तुलनेमध्ये घटल्याचे चित्र दिसत आहे. त्याच्यातून खतासाठी केलेला खर्च, विविध औषध फवारणी आणि देखभाल यासाठी केलेला खर्च भागेल, एवढे उत्पन्न मिळेल की नाही, याबाबत शेतकरी साशंक दिसत आहेत.

Web Title: Rajapur Farmers Worried Fresh Bloom

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :RajuramangoFarmerSakal
go to top