तो दुबईतून आला अन् रत्नागिरी रुग्णालयात दाखल झाला...

रत्नागिरी : कोरोनाचा संशयित रुग्ण आज जिल्हा शासकीय रुग्णालयात दाखल झाला आहे. विशेष कक्षात त्याच्यावर उपचार सुरू आहेत. आठ दिवसांपूर्वी संशयित रुग्ण दुबई येथून आला होता. 
सर्दी-खोकला झाल्याचा त्रास जाणवू लागल्यानंतर रुग्णाने स्वतः रुग्णालयाशी संपर्क साधला, अशी माहिती जिल्हा शल्य चिकित्सक डॉ. अशोक बोल्डे यांनी दिली. शनिवारी (ता. १४) दुपारी दोनच्या सुमारास ‘कोरोना’च्या संशयिताला वैद्यकीय अधिकाऱ्यांनी विशेष कक्षात उपचारासाठी ठेवलेआहे.

हेही वाचा- मालवणची भक्कम बाजू मांडण्यासाठी आता २१ जण

जिल्ह्यात संशयित रुग्णांची संख्या चार

तालुक्‍यातील पूर्णगड येथील रुग्ण आठ दिवसांपूर्वी तो दुबईतून दाखल झाला होता. दुबईतून आल्यानंतर चार दिवसांनी त्याला सर्दी-खोकल्याचा त्रास दाखला जाणवू लागला. त्यानंतर त्याने स्वतः जिल्हा रुग्णालयात दूरध्वनीद्वारे संपर्क साधला. रुग्णालयात दाखल झाल्यानंतर डॉक्‍टरांनी तपासणी करुन ॲडमिट केले करुन घेतले. किमान १४ दिवस त्याच्यावर उपचार केले जाणार आहेत. त्याचे काही नमुने पुणे येथे पाठविले आहेत. जिल्ह्यात संशयित कोरोनाच्या रुग्णांची संख्या चार झाली असून तालुक्‍यात कोरोना संशयितांची संख्या दोन झाली असल्याचे डॉ. बोल्डे यांनी सांगितले.

 हेही वाचा- अबब...सिंधुदुर्गातील `त्या` दहा लाख कोंबड्यांचे करायचे काय?

गर्दी होणारी ठिकाणे बंद

राज्यात ‘कोरोना’ रुग्णांमध्ये वाढ होऊ नये यासाठी आरोग्य विभागाने पाऊले उचलली आहेत. मॉल, सिनेमागृह, हॉटेल  डी-मार्ट, रिलायन्स मॉल या ठिकाणी डॉ. बोल्डे यांनी सूचना दिल्या आहेत. तसेच कोरोनाच्या रुग्णांमध्ये पॉझिटिव्हचे प्रमाण वाढल्यास गर्दी होणारी ठिकाणे बंद करण्यात येण्याची शक्‍यता वर्तविण्यात आली आहे. 

सावंतवाडी पालिका प्रशासन सतर्क

 दक्षता व स्वच्छता  गरजेची

प्रत्येकाने दक्षता घ्यावी. खोकताना रुमाल तोंडाशी धरावा. माक्‍सचा वापर करावा, गर्दीच्या ठिकाणी संपर्कात आल्यानंतर हात स्वच्छ धुवावेत, ‘कोरोना’चा जिवाणू जिवंत राहण्याची शक्‍यता जास्त असल्याने स्वच्छता गरजेची आहे.
- डॉ. अशोक बोल्डे, जिल्हा शल्य चिकित्सक