रत्नागिरी : अमली पदार्थ प्रकरणी संशयितास अटक

रत्नागिरी : शहरातील चर्च रोड येथे १४ हजार रुपयांचा ब्राऊन शुगर हा अमली पदार्थ बाळगणाऱ्या संशयिताला शहर पोलिस ठाण्याच्या डीबी पथकाने शिताफीने अटक केली. न्यायालयाने दोन दिवसांची पोलिस कोठडी सुनावली आहे. आकाश ऊर्फ सलमान अशोक डांगे (वय २९, रा. साईश्वरी अपार्टमेंट, थिबापॅलेस-माळनाका, रत्नागिरी) असे संशयिताचे नाव आहे. ही घटना शुक्रवारी (ता. ३) सव्वा अकराच्या सुमारास निदर्शनास आली. शहरात ब्राऊन शुगर या अमंली पदार्थाची विक्री होत

असल्याची कुणकुण होती. मात्र, संशयित हाती लागत नव्हते. याबाबत पोलिसांवरही आरोप करण्यात येत होते. मात्र, एक पोलिस वेशांतर करून चर्च रोड येथे गेला व संशयितावर नजर ठेवली. नियोजनानुसार शहर पोलिस ठाण्याचे डीबी पथक घटनास्थळी दाखल झाले आणि संशयिताला ताब्यात घेतले. पोलिसांनी संशयिताकडून १४ हजार किमतीच्या प्लास्टिकच्या पिशवीत उग्र वासाचा ब्राऊन शुगर हा अमली पदार्थ ज्याचे वजन पिशवीसह २. ४० ग्रॅम आहे. त्यामध्ये १. ०३ ग्रॅम वजनाचे ब्राऊन शुगर सदृश्य असून त्याची किंमत ३५० रुपये असा मुद्देमाल पोलिसांनी जप्त केला. या प्रकरणी पोलिस नाईक वैभव नार्वेकर यांनी शहर पोलिस ठाण्यात तक्रार दिली. पोलिसांनी संशयिताविरुद्ध गुन्हा दाखल केला. तपास पोलिस उपनिरीक्षक आकाश साळुखे करत आहेत. पोलिसांनी संशयितास शुक्रवारी रात्री साडेअकरा वाजता अटक केली. न्यायालयात हजर केले असता, न्यायालयाने ६ जूनपर्यंत पोलिस कोठडी सुनावली आहे.