पाली : सुधागड एज्युकेशन सोसायटी पाली ही संस्था गेली अनेक दशकांपासून रायगडसह नवीमुंबईत ज्ञानदानाचे कार्य करीत आहे. सद्यस्थितीत वसंतराव ओसवाल यांच्या निधनानंतर संस्थेचे अध्यक्षपद हे रिक्त झालेले आहे. मात्र संस्थेचे अध्यक्षपद हे निवडत असताना गटतट, पक्षीय राजकारण किंवा निवडणूक असे कोणतेही प्रकार न करता संस्थेचे अध्यक्षपद निवडले जावे. तसेच सर्वानुमते संस्थेचे अध्यक्ष पद स्वीकारण्यास सक्षम आहे, असे प्रतिपादन संस्थेचे उपाध्यक्ष व शिक्षण महर्षी दादासाहेब लिमये यांचे नातु रविंद्र लिमये यांनी केले असून याबाबत विस्तृत प्रसिद्धीपत्रक देखील प्रसिद्ध केले आहे.