उदय सामंत : सर्व धर्मियांनी आपापले धार्मिक सण साजरे करा पण.....हे नियम पाळा

रत्नागिरी : परस्पर सामंजस्याने शासनाच्या सर्व नियमांच्या अधीन राहून सर्व धर्मियांनी आपापले धार्मिक सण साजरे करावेत, असे आवाहन मंत्री उदय सामंत यानी केले .

आगामी काळात येणारे गणेश उत्सव, बकरी ईद, तसेच श्रावण महिन्यातील विवीध देवस्थान मधील नाम सप्ताह इत्यादी सणांच्या पार्श्वभूमीवर अधीकारी वर्ग, देवस्थानचे प्रतिनिधी, मुस्लिम समाजातील प्रतिनिधी यांच्या समवेत बैठकीचे आयोजन अल्पबचत भवन रत्नागिरी येथे करण्यात आले होते.त्यावेळी ते बोलत होते.

हेही वाचा- ब्रेकिंग - रत्नागिरीत  सापडले आणखी 11 कोरोना पॉझिटिव्ह... -

कोरोना मुळे अनेक निर्बंध आले असताना आपले अनेक वर्षांचे धार्मिक उत्सव, आणि आपल्या धार्मिक परंपरा खंडित होऊ नयेत यासाठी अत्यंत साधे पणाने सर्व उत्सव साजरे करावेत असे आवाहन  श्री सामंत यानी केले. शासनाच्या सर्व नियमांचे काटेकोर पालन करत आपण आपल्या धार्मिक परंपरा, पार पाडू.यावेळी लागणारे शासकीय परवाने सक्षम अधिकारी देतील असे सांगत प्रशासन आणि देवस्थान चे प्रतिनिधी यांच्यात समन्वय ठेवण्यासाठी पाच जणांची कमिटी करावी असे सुचित केले. या वेळी श्री मुन्नाशेठ सुर्वे, दिनेश सावंत, भाऊ शेट्ये, गोपी शिवलकर, आदेश चवंडे ही  नावे समन्वयासाठी देण्यात आली.

हेही वाचा- वादळ्ग्रस्तांसाठी रोहयो निकष जाहीर ; शेतकऱ्यांना मिळणार अनुदान ; अशा आहेत अटी व नियम... -

या बैठकीला जिल्हाधिकारी मिश्रा,आमदार शेखर निकम, जिल्हा परिषद अध्यक्ष रोहन बने,राष्ट्रवादीचे जिल्हाध्यक्ष बाबाजी जाधव, राष्ट्रीय काँग्रेसचे अध्यक्ष विजय भोसले, शिवसेना जिल्हा प्रमुख विलास चाळके, आरोग्य व बांधकाम सभापती महेश म्हाप,मनसेचे जितेंद्र चव्हाण, अतिरिक्त पोलीस अधीक्षक श्री.गायकवाड प्रांताधिकारी श्री सूर्यवंशी, भडकवार , तहसीलदार जाधव साहेब,नगराध्यक्ष बंड्याशेठ साळवी, प्रमोद शेरे  या सह  अनेक देवस्थान ट्रस्ट चे प्रतिनिधी आणि बशीरशेठ मुर्तुझा, अलिमिया काझी यांच्या समवेत अनेक मुस्लिम समाज बांधव उपस्थित होते.

संपादन - अर्चना बनगे