मालवण पोलिसांतर्फे रेस्क्यू टिमचा सत्कार

87659

मालवण पोलिसांतर्फे
रेस्क्यू टिमचा सत्कार
सकाळ वृत्तसेवा
मालवण, ता. ३ : येथील दांडीलगतच्या मोरयाचा धोंडा या ठिकाणी समुद्रात बुडत असलेल्या पर्यटकाला वाचविणाऱ्या येथील रेस्क्यू टीमच्या सदस्यांचा पोलिस प्रशासनाच्या वतीने सत्कार करण्यात आला. येथे काही दिवसांपूर्वी पर्यटन सफरीवर आलेल्या सोलापूर येथील काही पर्यटक मोरयाचा धोंडा येथील समुद्रात स्नान करण्यासाठी उतरले होते. यामध्ये यावेळी पाण्याचा अंदाज न आल्याने त्यातील दीपक मबुकर हा तरुण समुद्रात बुडू लागला.
या घटनेची माहिती समजताच मालवणातील रेस्क्यू टीमचे सदस्य सुजित मोंडकर आणि त्यांच्या सहकाऱ्यांनी धाव घेत समुद्रात बुडत असलेल्या दीपक याला बाहेर काढून येथील ग्रामीण रुग्णालयात दाखल केले. रेस्क्यू टीमच्या सतर्कतेमुळे दीपक याचे प्राण वाचले. याची दखल घेत पोलिस प्रशासनातर्फे पोलिस निरीक्षक प्रवीण कोल्हे यांच्या हस्ते रेस्क्यू टीमचे सदस्य सुचित मोंडकर, सन्मेश परब, अक्षय मेथर, प्रतीक चांदेरकर, सचिन आडकर, भावेश तोडणकर, छगन सावजी, वरद तोडणकर, भावेश ढोके, पारस मालंडकर यांचा सत्कार करण्यात आला.