पाली : संकष्टी चतुर्थी निमित्त बुधवारी (ता. 18) अष्टविनायक तीर्थक्षेत्र असलेल्या पालीत भक्ति मळा फुलला होता. वर्षातील शेवटची संकष्टी चतुर्थी असल्याने बल्लाळेश्वराच्या दर्शनासाठी भाविकांनी मोठी गर्दी केली होती. संकष्टी चतुर्थी निमित्त बल्लाळेश्वर देवस्थान तर्फे चिक्की प्रसादाला सुरुवात करण्यात आली आहे. विशेष म्हणजे देवाला अर्पण केलेल्या नारळापासून चिक्की तयार केली असून ती उपवासालाही चालते. या माध्यमातून रोजगार निर्मिती देखील होणार आहे.