

Forest Fires Damage Historic Sarasgad Fort and Wildlife
esakal
पाली : प्राचीन व ऐतिहासिक सरसगड किल्ल्यावर वारंवार लागणाऱ्या वणव्यांमुळे किल्ल्याची होरपळ होत आहे. तसेच येथील वनसंपदा व पशुपक्षांची वाताहत होत आहे. मागील आठवड्यात सरसगडावर मानवनिर्मित वणवा लागून किल्ल्याचा बहुतांश भाग जळून होरपळला आहे. वणव्यामुळे किल्ल्यावर नव्याने लावलेले रोपे व संवर्धन केलेली झाडे जळून खाक झाली आहेत. शिवाय येथील माकडे, वानरे व पक्ष्यांच्या अन्नाचा प्रश्न निर्माण होतो. तसेच त्यांचा अधिवास देखील नष्ट झाला.स्थानिक नागरिक व वन विभागाच्या कर्मचाऱ्यांनी वणवा विझविण्यासाठी शर्तीचे प्रयत्न केले. मात्र धोकादायक ठिकाणी जाताना आल्यामुळे काही पर्याय उरत नाही. वनव्यामुळे जळून काळाकुट्ट झालेला किल्ला पाहताना अनेकांना दुःख होते.