पाली - कर्तव्यास कसूर केल्या प्रकरणी सुधागड तालुक्यातील रासळ ग्रामपंचायतीच्या सरपंच प्रणिता खाडे यांना सरपंच पदी अपात्र ठरवण्यात आले आहे. दोन्ही बाजूचा युक्तिवाद तसेच रायगड जिल्हा परिषद कार्यकारी अधिकारी यांच्या अहवाल विचारात घेऊन बुधवारी (ता.16) आयुक्त कोकण विभाग यांनी रासळ सरपंच प्रणिता प्रवीण खाडे यांना दोषी धरून सरपंच पद रिक्त करण्याचे आदेश दिले.
रासळ ग्रामपंचायतीचे माजी सरपंच नरेंद्र राजाराम खाडे यांनी विद्यमान सरपंच प्रणिता प्रवीण खाडे यांनी कर्तव्यास कसूर केल्याबद्दल त्यांना पदावरून हटविण्यासाठी महाराष्ट्र ग्रामपंचायत अधिनियम 1958 चे कलम 39 (1) प्रमाणे विवाद अर्ज आयुक्त कोकण विभाग यांचे न्यायालयात दाखल केला होता.
सदरच्या अर्जामध्ये अर्जदार नरेंद्र खाडे यांनी आपले तक्रारी अर्जात असे नमूद केले होते की, सरपंच प्रणिता खाडे यांनी कायद्याने बंधनकारक असलेल्या कलम (7) 5 ला अभिप्रेत असलेल्या महिला ग्रामसभा घेतलेल्या नाहीत.
तसेच कायद्याने बंधनकारक असलेल्या माहितीचा अधिकार विषय ग्रामसभेत घेतलेला नाही, तसेच ग्रामपंचायत लेटरहेडच्या वापर करून ग्रामपंचायतीत हद्दीतील कंपनीत कॉन्ट्रॅक्टची मागणी केली होती. या सर्व गोष्टी कर्तृत्वात कसूर व पदाचा गैरवापर होता असे तक्रारीत नमूद केले होते.
आयुक्त कोकण विभाग यांनी सदरहून तक्रारीची गंभीर दखल घेत दिनांक 19/ 2/ 2025 रोजी मुख्य कार्यकारी अधिकारी जिल्हा परिषद यांना चौकशी करून तसा अहवाल सादर करण्याचे आदेश दिले होते. दिनांक 31/3/25 रोजी मुख्य कार्यकारी अधिकारी यांनी त्यांचा अहवाल आयुक्त यांना सादर केलेला होता.
मंगळवारी (ता. 15) आयुक्त कोकण विभाग यांनी सदरहून पक्षकारांना नोटीस देऊन सुनावणी घेतली. दोन्ही बाजूच्या युक्तिवाद तसेच मुख्य कार्यकारी अधिकारी यांच्या अहवाल विचारात घेऊन बुधवारी (ता. 16) आयुक्त कोकण विभाग यांनी सरपंच प्रणिता खाडे यांना दोषी धरून अर्जदार यांचा अर्ज मान्य केला व सरपंच पद रिक्त करण्याचे आदेश दिले.
पदाचा गैरवापर व मनमानी काम करण्याऱ्या सरपंचाचे पद रिक्त केल्याने रासळ ग्रामपंचायत हद्दीत कोकण आयुक्त यांच्या आदेशाचे कौतुक होत आहे.
- नरेंद्र खाडे, माजी सरपंच रासळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.