राजापूर (रत्नागिरी) : कोरोनाच्या कालावधीमध्ये गणेशमूर्ती बनविण्यासाठी वापरण्यात येणार्‍या मातीसह विविध प्रकारचे रंग आणि अन्य साहित्याच्या दरामध्ये वाढ झाली आहे. या सार्‍याचा आर्थिक फटका गणेशमूर्तिकारांना सहन करावा लागत आहे. मात्र त्याचा आर्थिक भार म्हणून गणेशमूर्तींच्या दरामध्ये वाढ न करण्याचा निर्णय तालुक्यातील गणेश मूर्तिकारांनी घेतला आहे. कोरोना संकटामध्ये स्वतः आर्थिक संकटामध्ये राहूनही गणेशभक्तांना सहकार्य करून त्याद्वारे एकप्रकारे सामाजिक बांधिलकी जोपासली आहे.
साहित्याचे दर न वाढवून जपणार सामाजिक बांधिलकी
कोरोनाच्या संकटामध्ये उद्योग-व्यवसाय ठप्प झाले आहेत. सर्वसामान्यांच्या हाताला काम मिळणे थांबले आहे. यातून सार्‍यांचेच आर्थिकदृष्ट्या कंबरडे मोडले आहे. यामध्ये गणेशमूर्तिकारांचाही समावेश आहे. तालुक्यामध्ये सुमारे दीडशे गणेशमूर्ती बनविण्याचे कारखाने असून त्यामध्ये सुमारे पंधरा हजारहून अधिक गणेशमूर्ती घडविल्या जातात.
गणेशमूर्ती तयार करण्यासाठी पेण परिसरातून माती आणली जाते, तर कोल्हापूर, मुंबई आदी भागातून विविध प्रकारचे रंगसाहित्य आणले जाते. मात्र लॉकडाउनमुळे सर्वच ठप्प असल्याने या भागातून येथील गणेशमूर्तिकारांना वेळेमध्ये साहित्य मिळाले नव्हते. आता मिळालेल्या साहित्यांच्या दरात वाढ झाली आहे. याचा आर्थिक फटका गणेशमूर्तिकारांना सहन करावा लागणार आहे.
राजापुरात गणेशमुर्तींच्या दरात वाढ नाही
अनेकवेळा बाजारामध्ये विविध प्रकारच्या साहित्याच्या दरामध्ये वाढ झाल्यास गणेशमूर्त्यांच्या दरामध्येही वाढ केली जाते. मात्र कोरोनाच्या संकटामध्ये आर्थिकदृष्ट्या सारेच पिचलेले आहेत. अशा स्थितीमध्ये मूर्ती साहित्याच्या दरामध्ये झालेल्या वाढीचा भार गणेशभक्तांवर न टाकण्याचा निर्धार गणेशमूर्तिकारांनी घेतला आहे.
कैलास कोठारकर, अध्यक्ष
गणेशमूर्तीच्या दरामध्ये वाढ नाही
“कोरोनाच्या लॉकडाउनमुळे गणेशमूर्ती तयार करण्यासाठी लागणार्‍या विविध प्रकारच्या साहित्याच्या दरामध्ये कमालीची वाढ झाली आहे. मात्र, गणेशमूर्तीच्या दरामध्ये कोणतीही वाढ केली जाणार नाही. जेणेकरून त्याचा भार गणेशभक्तांवर पडणार नाही.’
काशिनाथ गुरव, सचिव, राजापूर तालुका मूर्तिकार संघटना
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.