शरद पवार जूनमध्ये सिंधुदुर्ग दौऱ्यावर

वैभववाडी: राष्ट्रवादीचे अध्यक्ष खासदार शरद पवार जूनच्या दुसऱ्या आठवड्यात सिंधुदुर्गात येणार आहेत. त्यांच्या उपस्थितीत कुडाळ येथे तीन ते चार हजार कार्यकर्त्यांचा मेळावा होणार असल्याची माहिती राष्ट्रवादीचे जिल्हाध्यक्ष अमित सामंत यांनी आज येथे दिली.

श्री. सामंत म्हणाले, ‘‘जिल्ह्यात पक्ष मजबुत करणे आणि आगामी निवडणुकीच्या अनुषंगाने कार्यकर्त्यांना मार्गदर्शन व्हावे,’’ या हेतूने पक्षाध्यक्ष खासदार पवार यांच्या उपस्थित मेळावा आहे. प्रदेशाध्यक्ष जयंत पाटील, खासदार सुप्रिया सुळे, खासदार अनिल तटकरे, गृहनिर्माणमंत्री जितेंद्र आव्हाड, आरोग्यमंत्री राजेश टोपे, गृहमंत्री दिलीप वळसे-पाटील, संजय बनसोड, बाळासाहेब पाटील यांच्यासह ज्येष्ठ नेते उपस्थित राहणार आहेत. २०१४ नंतर प्रथमच श्री. पवार सिंधुदुर्गातील मेळाव्याला उपस्थित राहणार आहेत.’’