नारुर येथे बुधवारपासून शतचंडी अनुष्ठान सोहळा

swt161.jpg
83976
श्री देवी महालक्ष्मी

नारुर येथे बुधवारपासून
शतचंडी अनुष्ठान सोहळा
सकाळ वृत्तसेवा
कुडाळ, ता. १६ः नारुर येथील श्री देवी महालक्ष्मी मंदिरात २२ ते २५ मे या कालावधीत शतचंडी अनुष्ठान २०२४ सोहळ्याचे आयोजन केले आहे. यानिमित्त विविध कार्यक्रम होणार आहेत. बुधवारी (ता. २२) सकाळी ८ वाजता देहशुध्दी, देवतांना नारळ-विडा समर्पण, पुण्याहवाचन, देवता स्थापना, गुरुवारी (ता. २३) सकाळी ६ वाजता श्री चरणी लघुरुद्राभिषेक आणि सालंकृत महापूजा, जययज्ञ, ९ वाजता कुंकुमार्चन, दुपारी १२.३० वाजता आरती, १ वाजता महाप्रसाद, ३ वाजता स्थानिक कार्यक्रम, रात्री ८ वाजता पालखी सोहळा, ८.३० वाजता भजन, १० वाजता श्री देवी महालक्ष्मी हौशी नाट्यमंडळ प्रस्तुत ऐतिहासिक नाटक, शुक्रवारी (ता. २४) सकाळी ६ वाजता ‘श्रीं’ चरणी लघुरुद्राभिषेक, स्थापित पूजन, सालंकृत महापूजा, जप हवन, ९ वाजता कुंकुमार्चन, दुपारी १२.३० वाजता आरती, १ वाजता महाप्रसाद, ३ वाजता स्थानिक भजन, सायंकाळी ७ वाजता आरती, मंत्रजागर, रात्री ८.३० वाजता भजन, १० वाजता नितीन आशियेकर प्रस्तुत भूमिका दशावतार नाट्यमंडळ, मळगाव यांचा ''श्री संत बाळूमामा'' हा ट्रिकसिनयुक्त नाट्यप्रयोग होणार आहे.
शनिवारी (ता. २५) सकाळी ६ वाजता लघुरुद्राभिषेक सालंकृत महापूजा, स्थापित देवता पूजन, ९ वाजता सत्यअंबा पूजा, दुपारी १२ वाजता पूर्णाहुती, मंत्राक्षता, सामुदायिक प्रार्थना, दुपारी १ वाजता महाआरती व महाप्रसाद, ३ वाजता स्थानिक कार्यक्रम, सायंकाळी ७ वाजता आरती, रात्री ८ वाजता पालखी सोहळा, ८.३० वाजता भोजन, १० वाजता वालावलकर दशावतारी नाट्यमंडळ यांचा नाट्यप्रयोग आदी कार्यक्रम होणार आहेत. यावेळी सर्वांनी उपस्थित राहावे, असे आवाहन चार-बारा गावकर मंडळी, बहुमानकरी, नारुर ग्रामस्थ व महालक्ष्मी देवस्थान कमिटी, नारुरच्या वतीने केले आहे.