''नेत्यांविरोधात वक्तव्याला सेना स्टाईलने उत्तर देऊ''

रत्नागिरी: राज्याचे उच्च व तंत्रशिक्षमंत्री उदय सामंत यांच्या विरोधात अतिशय खालच्या पातळीवर, घाणेरड्या भाषेत ट्विटरवर पोस्ट करून बदनामी केली आहे. अशा विकृत मनोवृत्तीच्या व्यक्तीवर त्वरित कायदेशीर कारवाई करा, अशी तक्रार शिवसेनच्या पदाधिकाऱ्यांनी जिल्हा पोलिस अधीक्षकांकडे आज केली. यापुढे शिवसेनेच्या नेत्यांविरोधात बदनामी करणारी वक्तव्य केली, तर आम्ही गप्प बसणार नाही. शिवसेना स्टाईल उत्तर देऊ, असा इशारा शिवसेनेचे उपजिल्हाप्रमुख बाबू म्हाप, तालुकाप्रमुख बंड्या साळवी आणि शहरप्रमुख बिपिन बंदरकर यांनी दिला.(shiv-sena-deputy-district-chief-bapu-mhap-warning-for-party-worker-kokan-news)

खासदार राऊत यांच्या संपर्क कार्यालयात आयोजित पत्रकार परिषदेत बोलत होते. या वेळी उपजिल्हाप्रमुख संजू साळवी, नगरसेवक निमेश नायर आदी उपस्थित होते. ते म्हणाले, मुंबईतील एका व्यक्तीने मंत्री उदय सामंत यांची बदनामी होईल, अशी पोस्ट ट्विट केली आहे. चुकीचे आणि खोटे विधान करून संभ्रम करण्याचा प्रयत्न सुरू आहे. सोशल मीडियावर विनाकारण बदनामी करणाऱ्या मुंबईतील या व्यक्तीविरोधात जिल्हा पोलिस अधीक्षकांकडे तक्रार दिली आहे.

हेही वाचा- रत्नागिरीत तीन बालकांची कोरोनाच्या डेल्टा प्लस व्हेरियंटवर मात; जिल्हा शल्य चिकित्सकांची माहिती

राज्यात आघाडीत असताना शिवसेनेच्या नेत्यांविरोधात राष्ट्रवादीचे काही पदाधिकारी वारंवार टीका करीत आहेत. याबाबत आम्ही खासदार आणि पक्षप्रमुकांकडे तक्रार करणार आहे. पालिकेतील राष्ट्रवादीचे नगरसेवक आम्हाला सहकार्य करतात. मात्र काही स्वयंघोषित आणि काहीही संबंध नसणारे पदाधिकारी वक्तव्य करीत आहेत. आगामी स्थानिक स्वराज्य संस्थेच्या निवडणुकीत यावरून वाद होतील. वारंवार सेनेविरोधात ओरड करणे योग्य नाही. आम्हालाही विचार करावा लागेल, यापुढे आमच्या नेत्यांविरोधात बोलल्यास आम्ही गप्प बसणार नाही. जशास तसे उत्तर दिले जाईल.