महाड, (जि रायगड) - खांद्यावर भगवा ध्वज घेऊन रायगडावर निघालेले शिवकालीन वेशभूषेतील मावळे, रायगडाच्या कड्याकपारीतून होणारा जय भवानी, जय शिवरायांचा जयघोष, तुतारीची ललकारी आणि ढोल-ताशांचा गजर, राजसदरेवर रंगणारे शाहिरी मुजरे आणि होळीच्या माळावरचे मर्दानी खेळ, अशा उत्साही आणि शिवमय वातावरणात रायगड किल्ल्यावर लाखो शिवप्रेमींच्या उपस्थितीत आज शिवराज्याभिषेकदिन सोहळा साजरा झाला.