Amboli waterfall crowd today
esakal
सावंतवाडी (सिंधुदुर्ग) : पावसाळी पर्यटनाचे नंदनवन असलेल्या आंबोलीत चालू हंगामातील दुसऱ्या रविवारी पर्यटकांचा अक्षरशः महापूर पाहायला मिळाला. वीकेंडची सुटी साधत शनिवार (ता. ११) पासूनच हजारो पर्यटक आंबोलीत दाखल झाले (Amboli waterfall tourist rush) होते. ‘आंबोली टुरिझम’ या संस्थेच्या अंदाजानुसार, दोन दिवसांत हजारोहून पर्यटकांनी आंबोलीच्या निसर्गरम्य वातावरणाचा आणि वर्षा पर्यटनाचा मनमुराद आनंद लुटला. मात्र, या अभूतपूर्व गर्दीमुळे संपूर्ण घाटमार्गात प्रचंड वाहतूक कोंडी झाली होती, तर शेकडो पर्यटकांना निवासाअभावी गाडीतच रात्र काढावी लागली.
