देवगड (रत्नागिरी) : लॉकडाउन शिथील झाल्यानंतर हळुहळु उद्योग व्यवसाय सुरू होत आहे. त्या अनुषंगाने चित्रपटासाठीचे चित्रीकरण होण्यास सुरूवात झाली आहे. कोकणचे निसर्गसौंदर्य चित्रपटसृष्टीला नेहमीच भूरळ घालणारे असल्याने आज देवगडात एका गाण्यासाठी चित्रीकरण सुरू होते. येथील समुद्रकिनारा परिसर, पवनचक्‍की भागात चित्रीकरण करण्यात आले. त्यामुळे स्थानिकांचीही यातील कलाकरांना पहाण्यासाठी उत्सुकता वाढली होती.
कोरोनाच्या काळात अनेक उद्योग व्यवसाय ठप्प होते. आता अनलॉकची प्रक्रीया सुरू झाल्यामुळे हळूहळू उद्योग आणि व्यवसायाला चालना मिळू लागली आहे. यामध्ये आता चित्रपट क्षेत्रही मागे राहिले नसल्याचे चित्र होते. कोकणातील निसर्गसौंदर्य चित्रपट क्षेत्राला भुरळ घालणारे आहे. तालुक्‍याच्या विविध भागात चित्रपटाचे चित्रीकरण यापूर्वीही झाले होते. आता कोरोनानंतर पुन्हा एकदा चित्रीकरणाला सुरूवात झाली आहे.
चित्रीकरणामुळे स्थानिक पुरक व्यवसायांना हातभार लागतो आहे. त्यामुळे स्थानिक पातळीवरील उलाढालीत वाढ होण्यास मदत होत आहे. आज दिवसभरात येथील समुद्रकिनारा परिसर, पवनचक्‍की भागात हिंदी चित्रपटाच्या एका गाण्यातील काही भागांचे चित्रीकरण झाले. समुद्रकिनारा भागात चित्रीकरणाच्या निमित्ताने मोठी धांदल सुरू होती. यातील कलाकांराना पहाण्यासाठी स्थानिकांची धावपळ दिसून येत होती.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.