Vadhavan Port Project : वाढवण बंदराचा स्थानिकांचा विरोध कसा मावळला? जाणून घ्या घटनाक्रम

-ओमकार सोनावणेVadhavan Port Project : पंतप्रधान नरेंद्र मोदींच्या (PM Narendra Modi) हस्ते 30 ऑगस्ट 2024 रोजी वाढवण बंदर प्रकल्पाचे भूमिपूजन करण्यात आले. हा प्रकल्प तब्बल 76 हजार कोटी रुपये खर्च करून उभारण्यात येणार असून जागतिक दर्जाचे सागरी प्रवेशद्वार उभारणे हे सरकारचे प्रमुख उद्दिष्ट आहे..मात्र, या प्रकल्पाला गेल्या अनेक वर्षांपासून स्थानिकांचा तीव्र विरोध होताना दिसून आला होता. अनेक मच्छीमारांनीही या प्रकल्पाचा निषेध केला होता. याच पार्श्वभूमीवर 'कॉफी विथ सकाळ' या कार्यक्रमात जेएनपीटीचे चेअरमन उन्मेष वाघ (JNPT Chairman Unmesh Wagh) यांनी विशेष मुलाखत देऊन या प्रकल्पाच्या विविध बाजूंवर सविस्तर माहिती दिली..उन्मेष वाघ यांनी सांगितले की, वाढवण बंदर उभारण्यातील सर्वात मोठं आव्हान म्हणजे, स्थानिकांचा विश्वास मिळवणं होतं. 2020 मध्ये तत्कालीन चेअरमन संजय शेट्टी आणि मी जेव्हा उपाध्यक्ष होतो तेव्हा आम्ही वाढवणला भेट दिली. त्यावेळी मोठ्या प्रमाणावर विरोध झाला होता. परंतु, आम्ही ठरवलं की हळूहळू प्रामाणिकपणे संवाद साधत लोकांचा विरोध मावळवायचा..Vishal Patil : 'म्हैसाळ', 'टेंभू विस्तारित'च्या ठेक्यावर संशय; तब्बल 3600 कोटींचा ठेका, खासदारांनी फोडले नव्या वादाला तोंड.स्थानिकांसोबत सातत्यपूर्ण संवादया काळात जेएनपीटीकडून विविध उपक्रम राबवण्यात आले. सुमारे 10,000 स्थानिकांना जेएनपीटी पोर्टला नेऊन प्रत्यक्ष पोर्ट कसा असतो, त्याचा गावांवर कसा परिणाम होतो, हे दाखवण्यात आलं. तिथे त्यांनी कामगार, कामगार नेते, स्थानिक नागरिक यांच्याशी संवाद साधला. याचा परिणाम म्हणून लोकांमध्ये सकारात्मक बदल झाला..अवघ्या 30 रुपयांत विकलेल्या 'या' किल्ल्यावरील अनधिकृत बांधकाम पाडण्यात येणार; पुरातत्त्व विभागाची नोटीस जारी.प्रचार मोहीम व गैरसमज दूर करणेप्रकल्पाला विरोध करणाऱ्यांकडे दुर्लक्ष करत, जेएनपीटीने स्थानिकांमध्ये जनजागृतीसाठी माहिती देणारे कॅम्पेन राबवले. स्थानिकांच्या प्रमुख पाच शंका दूर करण्यात आल्या.पुनर्वसन आणि विस्थापन: प्रकल्प समुद्रात उभारण्यात येणार असल्यामुळे एकही इंच जमीन लागणार नाही, हे बॉण्ड पेपरवर लेखी देऊन स्पष्ट करण्यात आले.प्रदूषण : प्रकल्पात कच्चं तेल किंवा अशा प्रकारचं प्रदूषणकारी आयात-निर्यात होणार नसल्याने पर्यावरणाला धोका नाही.मासेमारीवर परिणाम : मच्छीमारांसाठी 10-20 लाख स्क्वेअर फूट जागा सोडण्यात आली आहे, त्यामुळे मासेमारीवर कोणताही परिणाम होणार नाही.धार्मिक भावना : प्रभू श्रीरामांनी दशरथराजांसाठी पिंडदान केलेल्या जागेपासून 3-4 किमी दूर हा प्रकल्प होणार आहे.स्थानिक नेत्यांचे प्रश्न : स्थानिक आमदार, खासदार व नेत्यांच्या उपस्थितीत जेएनपीटीमध्ये जनसुनावणी घेण्यात आली, जी यूट्यूबवर लाईव्ह प्रसारित केली गेली..रोजगाराची संधी आणि विकासउन्मेष वाघ यांनी सांगितले की, हा प्रकल्प केवळ बंदर नसून, स्थानिकांसाठी मोठी रोजगारनिर्मिती आणि विकासाची संधी घेऊन येणार आहे. स्थानिकांनी या प्रकल्पाचे फायदे पाहिल्यानंतर आपली मतं बदलली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Vadhavan Port Project : वाढवण बंदराचा स्थानिकांचा विरोध कसा मावळला? जाणून घ्या घटनाक्रम

Related Stories