कणकवली (सिंधुदुर्ग) : कोरोना रोखण्यासाठी रेल्वेने कडक सुरक्षा ठेवली असतानाही कोकण रेल्वे मार्गावर मात्र चोराचा सुळसुळाट वाढला आहे. दक्षिणेकडून उत्तरेकडे जाणाऱ्या मंगला एक्सप्रेसमधुन प्रवास करणाऱ्या एका महिलेचे दागिणे, मोबाईल आणि रोख रक्कम असा अडीच लाखाचा ऐवज चोरीस गेला आहे.
ही चोरी १३ नोंव्हबरला मंडगाव ते कणकवली रेल्वे स्थानकादरम्यान घडली आहे. याबाबत वनिता दिवाकर शेट्टी (वय ४१, रा. कल्याण) यांनी पोलिस फिर्याद दाखल केली आहे. कल्याण पोलिस ठाण्यात नोंदवलेली फिर्याद आज येथील पोलिसांकडे वर्ग करण्यात आली आहे. यात म्हटले आहे, की वनिता या १३ नोंव्हेबरला उडपी (रा. कर्नाटक) ते कल्याण (जि. ठाणे) मंगला - लक्षदिप एक्सप्रेसमधुन प्रवास करीत होत्या. रात्री मडगाव स्थानकानंतर त्यांना झोप आली. कणकवली रेल्वेस्थानकात गाडी थांबल्यानंतर पहाटेच्या सुमारास त्यांना पर्स चोरीस गेल्याचे लक्षात आले. रोख ४ हजार, मोबईल आणि साडेतीन लाखाचे दागिने त्यात होते.
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.