दाभोळ : दापोली शहराजवळील गिम्हवणे गणपती मंदिराजवळ असलेल्या समर्थ ज्वेलर्सचे मालक प्रकाश वैशंपायन यांच्या अंगणातून आज पहाटे 4.30 वाजता एक नव्हे तर तीन बिबटे जात असल्याचे सीसीटीव्ही कॅमेतऱ्यात चित्रित झाल्याचे आढळून आले आहे. या प्रकारामुळे गिम्हवणे गोडबोले आळीतील नागरिकांमध्ये घबराट पसरली असून वनविभागाने या बिबट्याचा बंदोबस्त करावा अशी मागणी होत आहे.
गिम्हवणे गोडबोले आळीतील गणपती मंदिराच्या मागे घनदाट जंगल असून यापूर्वीही वैशंपायन यांच्या घराच्या आवारात लावण्यात आलेल्या सीसीटीव्ही कॅमेऱ्यात मध्यरात्री अनेक वेळा अंगणातून जाताना बीबट्या चित्रित झालेला होता. ही माहिती तेव्हा वनविभागाच्या अधिकाऱ्यांना कळविण्यात आली होती, त्यांनी जंगलात कॅमेरेही लावले होते. त्यानंतर काही कालावधीनंतर बिबटे दिसायचे बंद झाले होते. मात्र आज पहाटे पुन्हा बिबट्यांचा वावर असल्याचे आढळून आले आहे.
संपादन - धनाजी सुर्वे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.