सकाळ चित्रकला स्पर्धा

लोगो- स्पर्धेचा
सकाळ चित्रकला स्पर्धा
आज ठिकठिकाणी रंगणार
पालक, आजी-आजोबांसाठीही ऑनलाईन स्पर्धा
सकाळ वृत्तसेवा
कोल्हापूर, ता. २१ ः बालमित्रांबरोबर महाविद्यालयीन विद्यार्थी आणि पालक व आजी-आजोबांसाठीही यंदा सकाळ चित्रकला स्पर्धा रंगणार आहे. ‘सकाळ’च्या कोल्हापूर आवृत्ती क्षेत्रातील ३७८ केंद्रांवर उद्या (रविवारी) सकाळी नऊ ते दुपारी साडेबारा या वेळेत स्पर्धा होणार आहे. कोलगेट सपोर्टेड बाय या स्पर्धेचे मराठी डिजी माध्यम एज्युकेशनल पार्टनर तर रिलायन्स स्मार्ट असोसिएट स्पॉन्सर आहेत. संजय घोडावत युनिव्हर्सिटी, वारणा समूह स्थानिक प्रायोजक आहेत.
पहिली व दुसरी (अ गट), तिसरी व चौथी (ब गट), पाचवी ते सातवी (क गट), आठवी ते दहावी (ड गट), महाविद्यालयीन विद्यार्थी (इ गट) आणि पालक, आजी-आजोबांसाठी (फ गट) अशा सहा गटात स्पर्धा होणार आहे. सकाळी नऊ ते साडेदहा या वेळेत ‘क’ आणि ‘ड’ गटाची स्पर्धा होईल. साडेदहा ते साडेबारा या वेळेत उर्वरित सर्व गटांची स्पर्धा होईल. ‘इ’ गटातील स्पर्धक ऑनलाईन व ऑफलाईन सहभागी होऊ शकतात. ‘फ’ गटातील स्पर्धक फक्त ऑनलाईन सहभागी होऊ शकतात. महाविद्यालयीन विद्यार्थ्यांसाठीची ऑफलाईन स्पर्धा शाळांशी संलग्न कनिष्ठ महाविद्यालयात होईल. ऑनलाईन चित्रे सकाळी नऊ ते सायंकाळी सात या वेळेत अपलोड करायची आहेत. ‘फ’ गटातील स्पर्धकांनीही सकाळी नऊ ते सात या वेळेत चित्रे अपलोड करायची आहेत. www.chitrakala.esakal.com या संकेतस्थळावर ही चित्रे अपलोड करायची आहेत.