‘त्या’ मोटार चालकावर
कारवाई करण्याची मागणी

‘त्या’ मोटार चालकावर कारवाई करण्याची मागणी

‘त्या’ मोटार चालकावर
कारवाई करण्याची मागणी
कुडाळ, ता. ८ ः कुडाळ उद्यमनगर येथे आर.एस.एन. हॉटेलजवळ मोटार बेदरकारपणे चालवून शासकीय मालमत्तेचे नुकसान केल्याप्रकरणी संबंधित चालकावर कारवाई करावी, अशी मागणी शहरातील सजग नागरिकांनी आज येथील पोलिस निरीक्षकांकडे निवेदनाद्वारे केली आहे.
याबाबत काँग्रेसचे तालुकाध्यक्ष अभय शिरसाट, मनसेचे माजी जिल्हाध्यक्ष धीरज परब, योगेश राऊळ, संग्राम सावंत यांनी दिलेल्या निवेदन म्हटले आहे की, सोमवारी (ता. ६) रात्री दहा ते अकराच्या दरम्यान येथील उद्यमनगर परिसरात आर.एस.एन. हॉटेलजवळ संबंधिताने मोटार बेदरकारपणे चालवून एमआयडीसी विमानतळ बोर्डाचे नुकसान केले. गाडीचा अपघात झाल्यानंतर स्थानिकांनी प्रवाशांना बाहेर काढायचा प्रयत्न केला असता उडवाउडवीची उत्तरे दिली. अपघात स्थळावरील व्यक्तींकडून वाहन चालक व प्रवाशी मद्यधुंद अवस्थेत होते, अशी माहिती देण्यात आली. संबंधित चालकावर कारवाई करावी. जेणेकरून मद्यधुंद अवस्थेत चालविणाऱ्या वाहन चालक व प्रवाशांना जरब बसेल.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com