लांजा सेतूमध्ये 50 रुपयांची जबरदस्तीने वसुली

लांजा सेतूमध्ये 50 रुपयांची जबरदस्तीने वसुली

rat०९१८.txt

(टुडे पान २ साठी)

लांज्या सेतूमध्ये ५० रुपयांची वसुली

राष्ट्रवादी कॉंग्रेस आक्रमक ; ध्वजनिधीच्या नावाखाली प्रकार

लांजा, ता. ९ ः विविध शासकीय दाखले, प्रतिज्ञापत्र व इतर दाखल्यांसाठी येणाऱ्या सर्वसामान्य ग्रामस्थांकडून ध्वजनिधीच्या नावाखाली प्रत्येकी ५० रुपयांची रक्कम जबरदस्तीने वसुली केली जात असल्याच्या तक्रारी येत आहेत. या प्रकरणी लांजा तालुका राष्ट्रवादी काँग्रेसने आक्रमक भूमिका घेत जिल्हाधिकाऱ्यांना निवेदन सादर केले आहे.
याबाबत बुधवारी (ता. ८) फेब्रुवारीला राष्ट्रवादीच्या पदाधिकाऱ्यांनी थेट लांजा तहसीलदारांकडे तक्रार केली. याबाबत माहिती राष्ट्रवादी काँग्रेसचे तालुकाध्यक्ष अभिजित राजेशिर्के यांनी दिली. या वेळी युवक तालुकाध्यक्ष बाबा धावणे व दाजी गडहिरे यांनी सांगितले, लांजा तालुका डोंगराळ भाग असून ग्रामीण भागातून शासकीय कामासाठी लांजा तहसीलदार कार्यालयांमध्ये येण्यासाठी अधिकचा प्रवासखर्च लागतो. त्यामुळे जनतेचा इतर खर्च होतो. त्यामध्ये भर म्हणून सशस्त्र सेना ध्वजदिन निधीच्या नावाखाली जनतेची लूट चालू आहे. ध्वजदिन निधी हा शासकीय कर्मचाऱ्यांकडून संकलन करण्याचा आदेश असताना जनतेकडून जबरदस्तीने वसुली चालू आहे.
सेतू कार्यालयांमध्ये कामासाठी येणाऱ्या किंवा प्रतिज्ञापत्र संमत्रीपत्र व इतर दाखले घेण्यासाठी येणाऱ्या गोरगरीब जनतेकडून प्रत्येक कागदपत्रामागे प्रत्येकी ५० रुपये जबरदस्तीने घेतले जातात. या निधीबाबत विचारणा केली असता येथील अधिकारी निकम यांचे नाव सांगितले जाते व त्यांना विचारणा केली असता आम्हास २ लाखांचे उद्दिष्ट आहे तर मग आम्ही काय करू, असा प्रश्न केला जातो तर मग ग्रामीण भागातील गरीब जनतेने कोणाकडे दाद मागावी, अशा प्रश्र निर्माण झाला आहे. त्यामुळे ही जनतेची लूट थांबवा अन्यथा या विरोधात आंदोलन केले जाईल, असा इशारा राजेशिर्के यांनी दिला. या वेळी युवक तालुकाध्यक्ष बाबा धावणे व दाजी गडहिरे यांनी दिला आहे.
-

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com