बांदा-देऊळवाडी येथे धार्मिक कार्यक्रम उत्साहात

L85426

बांदा-देऊळवाडी येथे
धार्मिक कार्यक्रम उत्साहात 
बांदा ः देऊळवाडी येथील धर्मवीर छत्रपती संभाजी राजे चौक येथील श्री देव महापुरुष देवस्थान येथे आय़ोजित वार्षिक धार्मिक कार्यक्रम भक्तिमय वातावरणात झाला. श्री महापुरुष मित्रमंडळातर्फे या सोहळ्यानिमित्त विविध कार्यक्रमांचे आयोजन केले होते. सकाळी श्री देव महापुरुष तसेच श्री सत्यनारायण पूजा बांधली. पुरोहित प्रमोद वडेर यांच्या मार्गदर्शनाखाली यजमान राजन पेडणेकर यांनी सपत्नीक पूजन केले. भाविकांच्या उपस्थितीत दुपारी  महाआरती होऊन सर्वांच्या कल्याणासाठी गाऱ्हाणे घालण्यात आले. त्यानंतर महाप्रसाद वाटप केले. सायंकाळी भजन तसेच संगीत रजनी कार्यक्रम आयोजित केला होता. भाविकांनी या सोहळ्याचा लाभ घेतला. श्री महापुरुष मित्रमंडळाचे कार्यकर्ते, महिला सदस्य तसेच येथील व्यापारी बांधवांनी या सोहऴ्याच्या आयोजनासाठी विशेष परिश्रम घेतले.