खेड-भरणेमधील नवा जगबुडी जोडपूल वाहतुकीस खुला

rat१०p२४.jpg
L८८२१९
खेडः महामार्गावरील जगबुडी नदीवर बांधलेला नवा पूल.
----------
भरणेमधील नवा जगबुडी
जोडपूल वाहतुकीस खुला
५ वर्षापासून सुरू होते काम ; ५ कोटी ८ लाखांचा निधी
खेड, ता. १० : मुंबई-गोवा महामार्गावरील भरणे येथील नव्या जगबुडी पुलानजीक बांधण्यात आलेल्या जोडपुलाचे काम पूर्ण झाले आहे. गेल्या काही दिवसांपासून या जोडपुलावरून वाहतूक सुरू झाली आहे. भरणे येथील नव्या जगबुडी पुलानजीक गेल्या ५ वर्षापासून जोडपुलाचे काम सुरू होते. यासाठी ५ कोटी ८ लाख रुपयांचा निधी खर्च करण्यात आला.
सुरवातीला या जोडपुलाचे काम रखडले होते. महामार्ग चौपदरीकरणाचे काम सुरू झाल्यानंतर ठेकाधारक कल्याण टोलवेज कंपनीने पुलाचे काम पुन्हा सुरू करण्याची तयारी दर्शवली. सुरवातीपासूनच पुलाचे काम संथगतीनेच सुरू होते. त्यात कोरोना संकटाची भर पडल्याने पुलाचे काम रेंगाळले होते. मात्र जानेवारी महिन्यापासून जोडपुलाच्या कामाने वेग घेतला. यामुळे गतमहिन्यात जोडपुलाचे काम अंतिम टप्प्यात आल्यानंतर हा पूल मार्चमध्ये वाहतुकीस खुला होण्याची शक्यता निर्माण झाली होती. त्यानुसार ठेकाधारक कंपनीने जोड पुलाची उर्वरित कामे पूर्ण केल्याने गेल्या काही दिवसांपासून हा पूल वाहतुकीसाठी खुलाही करण्यात आला. सद्यस्थितीत या जोडपुलावरून वाहने धावत असून प्रवासही सुसह्य झाला आहे.