संतोष भेलेकरांना राष्ट्रीय आदर्श शिक्षक पुरस्कार

-rat२७p४४.jpg-
९१८२७
गोवा ः राष्ट्रीय आदर्श शिक्षक पुरस्कार स्वीकारताना संतोष भेलेकर.
-
संतोष भेलेकरांना आदर्श शिक्षक पुरस्कार

रत्नागिरी, ता. २८ : फाटक प्रशालेचे शिक्षक संतोष भेलेकर यांना राष्ट्रीय आदर्श शिक्षक पुरस्कार प्रदान करण्यात आला. हा सोहळा हरमल-गोवा येथे रविवारी (ता. २६) झाला. माजी केंद्रीय मंत्री रत्नमाला सावनूर, अरविंद घट्टी व मान्यवरांच्या हस्ते भेलेकर यांना सन्मानित करण्यात आले. दिल्ली, कर्नाटक, महाराष्ट्र, गुजरात, गोवा या राज्यांतील निवडक व्यक्तींचा सन्मान करण्यात आला. प्रमाणपत्र, सन्मानचिन्ह, म्हैसूर फेटा, चंदनाचा हार व अभिनंदन पत्र देण्यात आले. इंटिग्रेटेड सोशल वेलफेअर सोसायटी बेळगाव, नॅशनल रूरल डेव्हलपमेंट एज्युकेशन या संस्थेतर्फे हा पुरस्कार प्रदान करण्यात आला.
भेलेकर हे मागील ३० वर्षांपासून फाटक हायस्कूलमध्ये कार्यरत आहेत. दैनंदिन अध्यापन, स्पर्धा परीक्षा मार्गदर्शन, शैक्षणिक व सामाजिक कार्याची दखल घेऊन त्यांना गौरवण्यात आले. या सत्काराबद्दल मुख्याध्यापक किशोर लेले, प्रभारी मुख्याध्यापक राजन कीर, पर्यवेक्षक झोरे यांच्यासह शिक्षक व शिक्षकेतर कर्मचारी यांनी भेलेकर यांचा सन्मान केला.