-पोसरे येथे हुंबरे कुटूबियांकडून दिव्यांगासाठी साहित्य वितरण

-rat१०p३५.jpg ः
९४८९६
चिपळूण ः पोसरे येथे सुभाष हुंबरे यांच्या सेवानिवृत्तीच्या निमित्ताने दिव्यांग व्यक्तींना साहित्य वाटप करण्यात आले.
-

हुंबरे कुटुंबीयांकडून दिव्यांगासाठी साहित्य

चिपळूण, ता. १० ः सुभाष जानू हुंबरे यांच्या सेवानिवृत्तीच्या निमित्ताने त्यांच्या कुटुंबीयांकडून गावातील दिव्यांग व्यक्तींना मोफत व्हीलचेअर, वॉकरस्टिक, वॉकरचे नवीन गावदेवी मंदिरात वाटप करण्यात आले. जे लाभार्थी मंदिरात येऊ शकले नाहीत त्यांना त्यांच्या घरोघरी जाऊन साहित्य वितरित करण्यात आले. श्री देवी नवलाई, वाघजाई, खेम, लखोबा देवस्थान पोसरे, एकता प्रतिष्ठान पोसरे, (कै.) जानू बाबाजी हुंबरे व (कै.) सौ. अनुसया जानू हुंबरे यांच्या स्मरणार्थ हा कार्यक्रम राबवण्यात आला.
ज्या समाजात आपण जन्माला आलो त्या समाजाचे आपण देणे लागतो, या विचाराने हुंबरे कुटुंब प्रेरित असून प्रतिकूल परिस्थितीत समाजाने केलेल्या ऋणाची उतराई म्हणून शैक्षणिक, सामाजिक, सांस्कृतिक व आरोग्यसेवेत शक्य होईल ती जबाबदारी पेलून हे परिवार समाजहित जोपासत आहेत. अनेक गरजूंना उत्तम आरोग्य सेवेचा लाभ देऊन कोरोनासारख्या काळात अनेकांचे प्राण वाचवले आहेत. हे कुटुंब एकत्रित असून विविध सामाजिक संस्थांमधून त्यांची सक्रिय जबाबदारी सर्वांना सोबत घेऊन सुरू आहे. या वेळी सरपंच महेश आदवडे, गावचे अध्यक्ष गोविंद तांदळे, सोमा आदवडे, नारायण मेस्त्री, जयराम माळी, पांडुरंग मेस्त्री आदी उपस्थित होते. या वेळी दोन व्हीलचेअर, दहा वॉकर, ४२ वॉकर स्टिकचे गावातील गरजू व्यक्तीच्या घरी जाऊन वाटप करण्यात आले.