''सुन्नतेचे सर्ग'' काव्यसंग्रहास ''साहित्य गौरव'' पुरस्कार

swt1025.jpg

कोल्हापूरः गोविंद काजरेकर यांचा सत्कार करताना मान्यवर.

़़़‘सुन्नतेचे सर्ग’ काव्यसंग्रहास
''साहित्य गौरव'' पुरस्कार
सकाळ वृत्तसेवा
बांदा, ता. १०ः महाराष्ट्रातील नवदोत्तरी पिढीतील एक नामवंत समीक्षक आणि कवी गोविंद काजरेकर यांच्या ''सुन्नतेचे सर्ग'' या कविता संग्रहास शाहूवाडी येथील राजर्षी शाहू वाचनालयाच्यावतीने देण्यात येणारा राजर्षी शाहू साहित्य गौरव पुरस्कार ज्येष्ठ विचारवंत प्राचार्य राजेंद्र कुंभार यांच्या हस्ते प्रदान करण्यात आला.
गोविंद काजरेकर हे येथील गोगटे वाळके महाविद्यालयाचे प्राचार्य असून मराठीतील एक नामवंत कवी, समीक्षक आणि लोकसाहित्याचे अभ्यासक आहेत. त्यांचे यापूर्वी उरल्यासुरल्या जगण्याचे रिमिक्स, कोकणातील कृषिसंस्कृती आणि लोकगीते, राजन गवस यांचे कथात्म साहित्य, समकालीन कविता सांस्कृतिक परिप्रेक्ष्य आदी महत्त्वपूर्ण ग्रंथ प्रसिद्ध झाले आहेत. शाहू साहित्य गौरव पुरस्कार वितरण सोहळ्यास शाहुवाडी तालुक्यातील माजी आमदार बाबासाहेब पाटील सरूडकर, जिल्हा परिषद सदस्य विजय बोरगे, राजर्षी शाहू वाचनालयाचे अध्यक्ष चंद्रकांत रेडेकर, गीतांजली काजरेकर, सरपंच शीतल घोलप, लेखक उमेश सूर्यवंशी आदी उपस्थित होते. काजरेकर यांना मिळालेल्या या सन्मानाबद्दल शिक्षण प्रसारक मंडळ बांदाचे अध्यक्ष डी. बी. वारंग, खजिनदार टी. एन. शेटकर, सचिव एस. आर. सावंत, महाविद्यालयाचे प्राध्यापक, शिक्षकेतर कर्मचारी यांनी अभिनंदन केले.