स्टेपिंग स्टोन स्कूलमध्ये रमजान ईद उत्साहात

स्टेपिंग स्टोन स्कूलमध्ये रमजान ईद उत्साहात

97741
सावंतवाडी ः स्टेपिंग स्टोन ग्लोबल स्कूलमध्ये रमजान ईद साजरी करण्यात आली.

स्टेपिंग स्टोन स्कूलमध्ये
रमजान ईद उत्साहात
सावंतवाडी, ता. २२ ः येथील स्टेपिंग स्टोन ग्लोबल स्कूलमध्ये आज रमजान ईद उत्साहात साजरी झाली. यावेळी उपस्थित विद्यार्थ्यांना रमजान ईदचे महत्त्व समजावून सांगण्यात आले. शिक्षिका जरिन शेख यांनी रमजान ईद या सणाविषयी माहिती सांगितली. हा सण साजरा करण्यामागे मुख्य कारण कोणते, याबाबत मार्गदर्शन केले.
या सणानिमित्त जो उपवास केला जातो, त्यामागेही आपले शारीरिक स्वास्थ कसे निरोगी राहू शकते, याचे वैज्ञानिक कारण सांगितले गेले. चौथीच्या विद्यार्थी व विद्यार्थिनींनी या सणानिमित्त नृत्य सादर केले. भावी पिढीमध्ये सर्वधर्मसमभाव ही शिकवण रुजवावी, यासाठी रमजान ईदवर आधारीत पाचवीच्या विद्यार्थ्यांनी नाट्य सादर केले. या नाट्याचे बोल सहाय्यक शिक्षिका नफिसा शेख यांनी सादर करून बंधुभावाने प्रत्येक जातीधर्माचे लोक एकत्र येतात, हे सिद्ध करण्याचा प्रयत्न केला. शेवटी सर्वांनी एकमेकांना ‘ईद मुबारक’ देऊन कार्यक्रमाची सांगता केली. सहभागी सर्व विद्यार्थी, शाळेतील शिक्षक, शिक्षकेतर कर्मचारी या सर्वांचे शाळेचे संचालक रुजुल पाटणकर यांनी कौतुक केले. या कार्यक्रमानिमित्त शाळेतील सर्व विद्यार्थ्यांना शिरखुर्म्याचे वाटप करण्यात आले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com