तवेराच्या भरधाव धडकेत दुचाकीस्वार जागीच ठार

२३ ( पान ३ साठी)

-rat१६p२८.jpg-
२३M०९८१३
साखरपा ः अपघातातील मोटार.
------------
अपघातात दुचाकीस्वार जागीच ठार

साखरपा, ता. १६ ः रत्नागिरी-कोल्हापूर मार्गावर कोंडगाव-शिंदेवाडी येथे दुचाकी आणि मोटारीच्या अपघातात दुचाकीस्वार जागीच ठार झाला. या अपघातात एक महिला जबर जखमी झाली आहे.
पोलिसांनी दिलेल्या माहितीनुसार दुचाकीस्वार गणेश शेटकर हे दुचाकीने गणपतीपुळे येथे देवदर्शनासाठी पत्नीसह जात होते. रत्नागिरी-कोल्हापूर महामार्गावरील कोंडगावजवळ आले असता समोरून येणारी मोटार आणि दुचाकी यांच्यात समोरासमोर जोरदार धडक झाली. अपघातात दुचाकीस्वार गणेश शेटकर हे जागीच ठार झाले, तर दुचाकीवर पाठीमागे बसलेल्या सुमित्रा गणेश शेटकर (वय ३७) या गंभीर जखमी झाल्या. त्यांना साखरपा प्राथमिक आरोग्यकेंद्रात आणि नंतर अधिक उपचारासाठी इतरत्र पुढे हलवण्यात आले आहे. अपघाताचे वृत्त समजताच स्थानिक रहिवासी मदतीसाठी धावून आले. साखरपा दूरक्षेत्राचे पोलिस हेडकॉन्स्टेबल नितीन जाधव, पोलिस नाईक वैभव कांबळे, तानाजी पाटील यांनी घटनास्थळी धाव घेऊन जखमीस उपचारासाठी आरोग्य केंद्रात दाखल केले.