राज्य डॉजबॉल स्पर्धेत कुडाळ हायस्कूलचे यश

राज्य डॉजबॉल स्पर्धेत कुडाळ हायस्कूलचे यश

swt63.jpg
3M14268
उमाजी कदम

swt64.jpg
M14269
पियुष कदम

राज्य डॉजबॉल स्पर्धेत
कुडाळ हायस्कूलचे यश
सकाळ वृत्तसेवा
कुडाळ, ता. ६ः महाराष्ट्र राज्य डॉजबॉल असोसिएशनमार्फत उस्मानाबाद वाशिम येथे झालेल्या राज्यस्तरीय डॉजबॉल स्पर्धेत कुडाळ हायस्कूल, कुडाळचा संघ राज्य स्पर्धेत सहभागी झाला. या संघाने चौथ्या क्रमांकाचे यश संपादन केले. महाराष्ट्र डॉज बॉल असोसिएशनचे अध्यक्ष वसंत लुंगे व कार्यवाह हनुमंत लुंगे यांनी या संघाचे विशेष कौतुक केले. यातून दोन विद्यार्थ्यांची राष्ट्रीयस्तरावर निवड झाली. राष्ट्रीय स्पर्धा ७ ते ९ जुलै दरम्यान गुजरात येथे होत आहेत.
राष्ट्रीय स्पर्धेसाठी कुडाळ हायस्कूल ज्युनिअर कॉलेज कुडाळचे पियुष कदम व उमाजी कदम या दोन खेळाडूंची महाराष्ट्र राज्य डॉजबॉल संघात निवड करण्यात आली. हे यश संपादन केल्याबद्दल क.म.शि.प्र. मंडळाचे पदाधिकारी भाई तळेकर, अनंत वैद्य, का. आ. सामंत, सुरेश चव्हाण, अरविंद शिरसाट, मुख्याध्यापक दिनेश आजगावकर, उपमुख्याध्यापक ठाकूर, राजकिशोर हावळ या पदाधिकाऱ्यांनी खेळाडूंना राष्ट्रीय पातळीवर होणाऱ्या स्पर्धेसाठी शुभेच्छा दिल्या. सिंधुदुर्ग डॉजबॉल असोसिएशनचे सचिव व कुडाळ हायस्कूलचे क्रीडा विभाग प्रमुख विजय मयेकर व सिद्धार्थ बावकर, रामचंद्र खाकर, वैभव कोंडस्कर या क्रीडा शिक्षकांनी मार्गदर्शन केले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com