हातभट्टीविरोधी कारवाईत 6.5 लाखाचा मुद्देमाल जप्त

हातभट्टीविरोधी कारवाईत 6.5 लाखाचा मुद्देमाल जप्त

फोटो rat६p४३३M१४४३८: खेड ः जप्त केलेली गावठी दारूचे कॅन

हातभट्टीविरोधी कारवाईत
साडे सहा लाखाचा मुद्देमाल जप्त
कुळवंडी, देऊळवाडी, खेड परिसरातील जंगलात कारवाई
खेड, ता. ६ : तालुक्यात गावठी हातभट्टी दारूविरोधात येथील पोलिसांनी धडक मोहीम हाती घेतली. कुळवंडी, देऊळवाडी, खेड आणि आजूबाजूला असणाऱ्या १ किमी जंगलमय व डोंगर भागांमध्ये केलेल्या कारवाईमध्ये धाडसत्र राबवून ६ लाख ६० हजार ८७० रुपयांचा मुद्देमाल जप्त केला. या प्रकरणी चार जणाना अटक केली आहे.
उपविभागीय पोलिस अधिकारी राजेंद्र मुनगेकर यांना मिळालेल्या माहितीच्या आधारे ५ जुलै रोजी सकाळी ७ वा. मौजे कुळवंडी, देऊळवाडी, खेड आणि आजूबाजूला असणाऱ्या १ किमी च्या जंगलमय व डोंगर भागांमध्ये ओढ्याजवळ असणाऱ्या हातभट्टी दारू धंद्यावर या पथकामार्फत धडक कारवाई करण्यात आली.
चौघांना वेगवेगळ्या ठिकाणी ताब्यात घेण्यात आले आहे. तसेच एका ठिकाणी हातभट्टी बेवारस असल्याचे आढळले. या कारवाईमध्ये मंगेश दगडू निकम, सुरेश निकम, संतोष जयराम निकम, अशोक लक्ष्मण निकम( सर्व राहणार खेड) यांच्याकडे व अन्य एका ठिकाणी बेवारस स्थितीत मिळून आलेल्या हातभट्टीसाठी लागणारा गूळ, नवसागर, हातभट्टी दारू, असा ६६०८७० रुपयांचा मुद्देमाल जप्त करण्यात आला. चार जणांवर गुन्हे दाखल करण्यात आले. पोलिस निरीक्षक नितीन भोयर व सहकाऱ्यांनी कारवाई केली.


त्या अपघातातील ट्रक चालकास जामिन
खेड : आसोंड अपघातामध्ये ८ जणांच्या मृत्यूस कारणीभूत ठरलेल्या ट्रक चालक फरीद रहीस खान (वय २९ रा. राजस्थान) याची ५ जुलै रोजी जामीनवर मुक्तता केली. दापोली तालुक्यातील जोशी आळी येथील दापोली हर्णे रोडवर २५ जून ट्रकने समोर येणाऱ्या वाहनाला अति वेगाने धडक देवून झालेला अपघातात ९ प्रवाशांना आपला जीव गमवावा लागला होता व ७ प्रवाशांना गंभीर व किरकोळ स्वरूपाची दुःखापत झाली होती.या अपघातानंतर ट्रक चालक फरीद रहिस खान घटनास्थळावरून पळून गेला होता. या प्रकरणी चालक फरीद खान यांच्याविरुद्ध गुन्हा दाखल केला होता. याप्रकरणी दापोली न्यायालयात आरोपी याला हजर केली असता. त्याला ११ जुलै पर्यंत न्यायालयीन कोठडी मध्ये ठेवण्यात आले. याप्रकरणी आरोपीच्या वतीने खेड येथील जिल्हा व सत्र न्यायालयाने आरोपीची जामीनावर मुक्तता केली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com