शिरगांवमध्ये घरावर झाड कोसळून नुकसान

शिरगांवमध्ये घरावर झाड कोसळून नुकसान

शिरगांवमध्ये घरावर झाड
कोसळून नुकसान
चिपळूण, ता. ८ः तालुक्यातील शिरगांव-सुतारवाडी येथे घरावर झाड कोसळून संजय शिवराम कोकिळकर यांचे नुकसान झाले आहे. माजी आमदार सदानंद चव्हाण यांनी घटनास्थळी धाव घेत पाहणी केली. तसेच कोकिळकर कुटुंबाला मानसिक आधार देताना आर्थिक मदतीचा हात दिला.
शिरगाव-सुतारवाडी येथे विश्‍वकर्मा मंदिराजवळ संजय कोकिळकर हे वास्तव्याला आहेत. पावसात त्यांच्या घरावर वडाचे झाड पडून घराचे पूर्ण नुकसान झाले आहे. या दुर्घटनेची माहिती मिळताच माजी आमदार सदानंद चव्हाण यांनी आपल्या सहकाऱ्यांसह त्याठिकाणी भेट देऊन पाहणी केली. श्री. कोकीळकर व कुटुंबीयांना धीर देऊन मदतीचा हात दिला. तसेच शासनामार्फत नैसर्गिक आपत्ती अनुदानच्या माध्यमातून जास्तीत जास्त मदत मिळवून देण्यासाठी सहकार्य करण्याचे आश्‍वासन दिले. या वेळी जिल्हा नियोजन समिती सदस्य शशिकांत चाळके, शिवसेना उपतालुकाप्रमुख संजय मोरे, राजाभाऊ ताम्हणकर, उपसरपंच सोलकर, शेखर मेस्त्री, राजेंद्र माचकर, सुरेश पाचकले, प्रवीण गोवळकर व ग्रामस्थ उपस्थित होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com