शिक्षक कामगिरीवर पाठविल्याने
चिंदरमध्ये पालकांचे आंदोलन

शिक्षक कामगिरीवर पाठविल्याने चिंदरमध्ये पालकांचे आंदोलन

15303
चिंदर ः शाळा मुलांविना सुनी सुनी झाली आहे.

शिक्षक कामगिरीवर पाठविल्याने
चिंदरमध्ये पालकांचे आंदोलन
आचरा, ता. १० ः जिल्हा परिषद केंद्रशाळा चिंदर या सातवीपर्यंतच्या शाळेतील तीन शिक्षकांपैकी कामगिरीवर पाठविलेला शिक्षक जोपर्यंत पुन्हा शाळेत कार्यरत होत नाही, तोपर्यंत मुलांना शाळेत न पाठविण्याचा निर्णय पालकांनी घेतला. त्यामुळे चिंदर केंद्रशाळा शनिवारपासून मुलांविना सुरू आहे.
एकवीस पटसंख्या असलेल्या चिंदर केंद्रशाळेस चार शिक्षक मंजूर आहेत; मात्र सध्या या शाळेत केवळ मुख्याध्यापक आणि दोन शिक्षक मिळून तीनच शिक्षक सातवीपर्यंतची शाळा चालवत आहेत. यातच मागील आठवड्यात एक शिक्षक दुसऱ्या शाळेवर कामगिरीसाठी काढल्याने पालकांमधून संताप व्यक्त केला जात आहे. याचा निषेध करत पालकांनी आंदोलन पुकारले आहे. याबाबत शाळा व्यवस्थापन समिती अध्यक्ष रणजित दत्तदास म्हणाले, ‘‘कोणतीही पूर्वकल्पना न देता शाळेच्या शिक्षकाला दुसऱ्या शाळेत कामगिरीवर पाठवल्याने मुलांचे शैक्षणिक नुकसान होत आहे. गेल्या वर्षीही एक शिक्षक कामगिरीवर काढण्यात आला होता. त्यावेळी आम्ही सहन केले; मात्र दरवेळी आमच्या मुलांवर अन्याय सहन करणार नाही. शिक्षक परत शाळेत कार्यरत होत नाही, तोपर्यंत मुलांना शाळेत न पाठविण्याचा निर्णय पालकांनी घेतला आहे.’’

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com