रत्नागिरी-पत्रकार संघटनेतर्फे एक पत्रकार एक वृक्ष लागवड मोहीम

पत्रकार संघटनेतर्फे
वृक्ष लागवड मोहीम
रत्नागिरी, ता. ११ः ऑल जर्नालिस्ट अॅण्ड फ्रेंडस सर्कल या राष्ट्रीय पत्रकार मित्र संघटनेच्या वतीने राज्यभरात एक पत्रकार एक वृक्ष लागवड ही मोहीम आखण्यात आली असून वृक्ष लागवड पंधरवड्यांतर्गत १० ते २५ जुलैपर्यंत विविध जातीचे वृक्ष लागवड करण्यात येत आहे. गाव परिसरात मोकळ्या जागेत, शासकीय खुल्या जागेत, शैक्षणिक संकुलांच्या प्रागणात संबंधितांची परवानगी घेऊन वृक्ष लागवड करण्यात येत आहे. पत्रकारांनी या मोहिमेत सहभागी व्हावे, असे आवाहन संस्थापक अध्यक्ष यासिन पटेल आणि केंद्रीय सचिव बाळकृष्ण कासार यांनी केले आहे.