कनेडीतील शेतकऱ्यांना रोपांचे वाटप

16882
कनेडी ः येथील शेतकऱ्यांना सुधिर सावंत यांनी मार्गदर्शन केले.

कनेडीतील शेतकऱ्यांना रोपांचे वाटप
कनेडी,ता. १८ ः किर्लोस कृषी विज्ञान केंद्राच्यावतीने कनेडी परिसरातील शेतकऱ्यांना रोप वाटपाचा कार्यक्रम झाला. यावेळी काजू , जांबुळ, चंदन, साग, गवती चहा, बेल अशी विविध प्रकारचे सुमारे ४५० रोपे वाटण्यात आली. भिरवंडे आणि दिगवळे गावातील शेतकऱ्यांना ही रोपे ग्रामपंचायतीमध्ये देण्यात आली.
या कार्यक्रमाच्या प्रास्ताविकात कृषी विज्ञान केंद्राचे श्री. काजरेकर यांनी शेतकऱ्यांना मार्गदर्शन केले. यावेळी माजी जिल्हा परिषद अध्यक्ष संदेश सावंत यांनी ब्रिगेडियर सुधीर सावंत यांचा सत्कार केला. यावेळी संदेश सावंत यांनी मनोगत व्यक्त करताना कृषी विज्ञान केंद्राने असेच विविध उपक्रम सांगवे ग्रामपंचायतीमध्ये राबवावेत, पूर्ण सहकार्य करू, असे आश्वासन दिले. त्यानंतर ब्रिगेडयर सावंत यांनी रोप लागवडीबाबत मार्गदर्शन केले. अशोक कांबळे यांनी सूत्रसंचालन केले. यावेळी सांगवेचे सरपंच संजय सावंत, उपसरपंच प्रफुल्ल काणेकर, शिवसेना उपजिल्हाप्रमुख महिंद्र सावंत, उपतालुकाप्रमुख सुनील सावंत, माजी सभापती सुरेश सावंत, सोसायटी चेअरमन सुभाष सावंत, रॉबर्ट डिसोझा आदी उपस्थित होते.